影片
更多
2025-06-03
124 浏览
每次喺尖沙咀諗唔到食咩，就會去厚福街再揀😂 見到丼燃食堂個門面勁吸引，仲有尖沙咀店限定嘅自選丼飯，就俾佢吸引咗入去試吓！今次我哋兩個人揀咗6餸火炙海鮮丼，再加兩個卷物，同兩個小食，份量啱啱好（當日偏肚餓），畀大家參考✨加上壽司飯底、火炙效果再加埋芝士蟹籽醬，整體賣相好澎湃，香味撲鼻，仲可以自由加錢升級更高級食材。🍚 6餸自選丼飯（尖沙咀店期間限定）$95我哋揀咗 壽司飯底 + 火炙 + 芝士蟹籽醬，配以下6款餸：✅ 火炙三文魚✅ 火炙左口邊✅ 皇帝蟹棒✅ 日本帶子✅ 火炙赤身（+$14）✅ 火炙藍鰭大拖羅（+$34）除咗帶子，每款刺身都有兩嚿，而且每片都唔薄，至於皇帝蟹棒仲要有4條！咁多款海鮮再配埋面層嘅芝士蟹籽醬，帶少少鹹香，加分！重點想講吓左口魚邊同大拖羅：左口魚邊脂肪超多，炙完更係入口化開，好似食緊魚油慕絲噉👍🏻至於火炙藍鰭大拖羅，雖然係今餐最貴嘅升級，但油脂好靚，食落甘香滑溜，完全無筋，食落真係有分別😌🐄 A5牛牛牛牛卷 $98一上枱嗰陣店員會即時點火，視覺效果100分！個人最鍾意係佢配咗炸蒜，同個A5和牛卷好夾，食落好有驚喜！🍣 焦糖三文魚卷 $68一上枱嗰陣同樣會點火，面層
今次我哋兩個人揀咗6餸火炙海鮮丼，再加兩個卷物，同兩個小食，份量啱啱好（當日偏肚餓），畀大家參考✨
加上壽司飯底、火炙效果再加埋芝士蟹籽醬，整體賣相好澎湃，香味撲鼻，仲可以自由加錢升級更高級食材。
🍚 6餸自選丼飯（尖沙咀店期間限定）$95
我哋揀咗 壽司飯底 + 火炙 + 芝士蟹籽醬，配以下6款餸：
✅ 火炙三文魚
✅ 火炙左口邊
✅ 皇帝蟹棒
✅ 日本帶子
✅ 火炙赤身（+$14）
✅ 火炙藍鰭大拖羅（+$34）
除咗帶子，每款刺身都有兩嚿，而且每片都唔薄，至於皇帝蟹棒仲要有4條！咁多款海鮮再配埋面層嘅芝士蟹籽醬，帶少少鹹香，加分！
重點想講吓左口魚邊同大拖羅：
左口魚邊脂肪超多，炙完更係入口化開，好似食緊魚油慕絲噉👍🏻至於火炙藍鰭大拖羅，雖然係今餐最貴嘅升級，但油脂好靚，食落甘香滑溜，完全無筋，食落真係有分別😌
🐄 A5牛牛牛牛卷 $98
一上枱嗰陣店員會即時點火，視覺效果100分！個人最鍾意係佢配咗炸蒜，同個A5和牛卷好夾，食落好有驚喜！
🍣 焦糖三文魚卷 $68
一上枱嗰陣同樣會點火，面層嘅三文魚好滑，幾乎入口即溶，再加上沙律醬、蟹籽、青瓜同醋飯，酸甜交錯好開胃。
🦀 忌廉蟹肉餅 $28
外層炸得香脆，入面蟹肉加忌廉醬，啖啖都好滑好香，記得唔好擺到凍晒先食。
🧀 一口芝士 $22
一啖一件，本身以為都係拉絲芝士，無乜特別，點知係好滑好濃嘅芝士醬，反而幾有驚喜！
食完先知星期一至五平日午市唔收加一，即刻share咗畀兩個喺尖沙嘴同尖東返工嘅朋友😂
📍丼燃食堂（尖沙咀）
尖沙咀厚福街2A號地舖
张贴
