Cambo ขุนทอง (The ONE)

餐厅：Cambo地点：尖沙咀The ONE菜式：泰越Fusion菜餐牌：Cambo Set 午餐有九款拣，有饭有炒河有汤粉有咖喱，价位由$68到$96不等，另收加一，配柠檬茶，奶茶，咖啡。冻咖啡另加$5，特饮另加$8。主餐牌有沙律，烧烤，明炉锅，海鲜，小吃，海南鸡，蔬菜，炒饭粉汤粉，甜品，特饮等。泰式炒贵刁连餐汤 $78 另加一泰式炒贵刁大大碟，卖相不错，热辣辣上枱好有获气！有三只去壳虾。啲粉幼身稔滑，同芽菜，蛋丝，豆腐干，韭菜，葱条同炒，配料简单不过好味。仲有花生碎同青柠放碟边可以自己调味。个酱汁甜甜地，味道开胃。餐汤 （跟餐） 餐汤系冬瓜清汤，加上少少芫荽，个汤少少咸，好饮。梛汁红豆冰 +$8 另加一 椰汁红豆冰梛奶香滑唔腻好香甜。红豆份量唔少，见都见到好多喺面。饮完好似食完甜品。泰式去骨海南鸡半只 $128 另加一泰式去骨海南鸡半只有齐髀胸同翼，连翼都去埋骨。鸡髀好嫩口，鸡皮好薄又滑溜。下底原来垫有唔少梛菜，伴有两片青瓜，面头有芫荽。另上两兜甜豉油同酸辣酱，令鸡肉味道更好。泰式炒通菜 $74 另加一泰式炒通菜好有镬气，炒得嫩绿又够味，配料有蒜同辣椒，辣度啱啱好，唔会太辣，又唔会太