影片
更多
2023-10-31
25 浏览
早前試咗間一直都好想試嘅高級粵菜，呢間酒家係屬於米芝連一星嘅酒家，本身已經好出名，所以都特別期待😋 今次難得嚟食，一於嗌個tasting menu試哂佢啲招牌菜😌🌟 調和五味套餐 $1000/位🔸 前菜。雞子戈渣。皮蛋醬蘿蔔。蜜汁燒脆鱔首先一并上3款前菜，每款都各有驚喜😋 本身唔太好食雞子，但呢度炸到外脆內軟，入面似豆腐咁滑☺️ 而皮蛋係流心質地，好好食！而第一次食蜜汁配脆鱔，甜甜哋咁好特別👍🏻🔸 雞茸燴官燕簡單以雞茸、官燕同金華火腿組成，食落口食到絲絲官燕，份量一啲都唔惹少，仲食到金華火腿嘅鹹香，幾唔錯！🔸 釀焗鮮蟹蓋呢個釀蟹蓋大大嚿，炸到外皮非常之脆，而炸皮好簿，加分👍🏻 內裡餡料主要有蟹肉同洋蔥絲，意外地幾夾，而且估唔到蟹肉都幾多下，每啖都食到蟹肉絲😋🔸 燒雲腿大地田雞片雲腿其實就係雲南出產嘅火腿，外皮炸至酥脆，配上走過油嘅田雞肉，零舍惹味😌 值得一讚係佢嘅田雞肉完全唔韌，食落嫩滑彈牙！🔸 水煮手切牛肉牛肉可選擇彩椒炒同水煮，我就挑戰咗佢個水煮，果然真係幾辣下🥵 但又越食越惹味，牛肉軟腍入味，仲配上萵筍同寬粉，索哂啲辣汁，好正🤭🔸 油雞樅菌炒四季豆雞樅菌係珍稀野生食用菌，油爆完後用
🌟 調和五味套餐 $1000/位
🔸 前菜。雞子戈渣
。皮蛋醬蘿蔔
。蜜汁燒脆鱔
首先一并上3款前菜，每款都各有驚喜😋 本身唔太好食雞子，但呢度炸到外脆內軟，入面似豆腐咁滑☺️ 而皮蛋係流心質地，好好食！而第一次食蜜汁配脆鱔，甜甜哋咁好特別👍🏻
🔸 雞茸燴官燕簡單以雞茸、官燕同金華火腿組成，食落口食到絲絲官燕，份量一啲都唔惹少，仲食到金華火腿嘅鹹香，幾唔錯！
🔸 釀焗鮮蟹蓋呢個釀蟹蓋大大嚿，炸到外皮非常之脆，而炸皮好簿，加分👍🏻 內裡餡料主要有蟹肉同洋蔥絲，意外地幾夾，而且估唔到蟹肉都幾多下，每啖都食到蟹肉絲😋
🔸 燒雲腿大地田雞片雲腿其實就係雲南出產嘅火腿，外皮炸至酥脆，配上走過油嘅田雞肉，零舍惹味😌 值得一讚係佢嘅田雞肉完全唔韌，食落嫩滑彈牙！
🔸 水煮手切牛肉牛肉可選擇彩椒炒同水煮，我就挑戰咗佢個水煮，果然真係幾辣下🥵 但又越食越惹味，牛肉軟腍入味，仲配上萵筍同寬粉，索哂啲辣汁，好正🤭
🔸 油雞樅菌炒四季豆雞樅菌係珍稀野生食用菌，油爆完後用嚟炒四季豆非常惹味😋 而且仲帶有雞樅菌嘅香味，第一次食呢個配搭，幾有驚喜！
🔸 瑤柱荷葉飯以滿滿嘅瑤柱同雞肉焗成嘅荷葉飯，未食就咁聞已經好香荷葉味，而個飯粒粒分明，乾身得嚟唔會痴埋一嚿嚿👍🏻
🔸 甜品。生磨合桃露
。鴛鴦棗茸糕
。懷舊芝麻卷
飯後甜品足足多達3款咁多🤤 估唔到呢度有好懷舊嘅芝麻卷食，當中最鍾意係棗茸糕，充滿濃郁嘅椰子香同紅棗味，而合桃露食落都好幼滑，合桃味非常濃郁😌
👉🏻follow埋我: sogoodwithfood
同你一齊搵更多好嘢食😋
张贴
