莆田 (美麗華廣場2期) (已結業)

莆田終於喺尖沙咀開咗鋪頭啦，於是今日我就同個friend一齊去食晚飯。呢度每一碟嘅賣相都好精緻，首先有蝦苗拌紫菜，酸酸地都幾開胃。然後就係呢一味冰鎮苦瓜，超級有驚喜！苦瓜切成一片片，仲擺到成到花咁，食嘅時候點啲蜜糖，即刻好似食緊蘋果，少咗好多苦味，連個friend唔鍾意食苦瓜都覺得好好食！我同我個friend都好鍾意食蟶子，所以就叫咗兩碟蟶子，一碟就係炒蟶子，另一碟就係椒鹽炸蟶子，非常之惹味！追來多碟炒米粉，米粉都非常之幼身而且炒得唔油，食嘅時候記得加啲辣油令到佢更加好味。呢一餐每人食咗大約＄300，都幾滿足。