黎到「香香宮煮」內裡別有洞天，宮殿裝修典雅，打造宮廷御膳房嘅格局，坐得幾舒服，生日仲有特別佈置，好有儀式感！
🔸雍禮公主．花膠雞湯鍋
湯底金黃濃郁，飲落膠質豐盈，花膠厚薄適中，跟半隻雞，雞肉嫩滑。
未開始淥配料已經飲咗兩碗，滋補養顏！
🥓艾莎公主牛肉寶盒
擺盤精緻，七款牛肉各具特色！
手切牛三角肉香濃郁；
牛匙仁嫩滑如絲；
牛展筋腱分明；
雪花肥牛油花如雲；
牛黃喉爽脆；
牛肉粒肉汁飽滿；
牛舌片柔韌有致。
每款都似經過御廚精選，絕無濫竽充數。
🔸蟹黃餃
驚喜之作，皮薄餡靚，一咬開蟹黃甘香四溢，鮮味縈繞舌尖，絕對係御膳級點心之選。
🔹珊瑚桂花蚌雙拼，鮮甜爽口。
🔸沙白蜆大隻無沙。
🔹鮮豬潤，切得夠薄，淥兩淥就食得，入口爽滑冇腥味
🔸自家製竹蔗茅根
清甜潤喉，正好平衡火鍋之熱氣。
