棋哥燒鵝 (已結業)

放工後喺The One睇戲，當然要先醫肚，商場旁既一列食肆都係免加一服務費既快食之選。雖說快食，也不能太求其，最緊要坐得舒服。我地揀左比較光猛既燒鵝店，簡潔得黎新派，有別於以往燒臘店比人較舊式、油淋淋既感覺。　翻了翻餐牌，除了單點既燒臘飯仲有幾款供唔同人數既套餐。我地2人計一計都係點份2人套餐抵食。先送上例湯，雞腳豬骨眉豆湯，鮮甜濃稠，可補充一下膠質，啱哂平日少湯水既我地~套餐唔少得招牌燒鵝(例牌)，以為例牌唔會好大碟，點知都有鵝脾!❤肉質嫩滑，鵝皮色澤均匀，皮香油脂兼備，調味剛好不會太鹹太淡。另外仲有一碟單拼燒臘(可點叉燒、燒腩仔、切雞等) 燒腩仔都幾大碟，脆皮下一層肥肉，雖膩但帶甘香，油脂把每層肉既風味散發出來~ 跟餐點配米粉、瀬粉同吃。有肉要有菜平衡一下~白灼菜心，蠔油另上頗細心，仲唔細碟添! 最後飲杯奶茶醒醒神，就去睇戲了！