Diletto (已結業)

好少可去一間高級餐廳食dinner (睇開我既人都知我鐘意打邊爐)，今日同朋友搵到呢間餐廳，比我有不少驚喜。出面係車水馬龍既漆咸道，一上到去就好似去左一個秘密花園咁，裝潢以花花和自然作題材，樓底高，感覺好舒服。 其實食物價錢唔平，但能夠在呢個環境下進餐，呢個價錢係包埋個景的！ Caeser salad一黎到太肚餓，唔記得相機食先。不過不失，習慣餐前要食一個salad Pan Seared Foie Gras香煎法國鵝肝配士多啤梨蘋果醬真係一試難忘，鵝肝濃滑而不腍，水果醬更帶出鵝肝的味道，加上一點點醋，仲有淡淡的無花果，配以多士一齊食，真係滋味無窮！ Assorted seafood pizza一焗完即上，pizza底又熱又脆，叫得seafood pizza, 一d都唔慳地加左好多海鮮，加上千島醬，真係兩個人好快食哂全個pizza! 有時黎得fine dine既餐廳，真係不得不欣賞佢地食材既配搭同醬汁既調教，所以mix and match都好perfect, 大家可以諗諗黎呢度慶祝不同節日！