影片
更多
2023-11-12
46 浏览
平時出面食開嘅都係大眾口味，今次我就到訪尖沙咀嘅私人民宅享受一下度身訂造嘅私房菜。湯女人的心咩係女人嘅心！？就係忽冷忽熱。冰涼嘅蕃茄配搭熱辣辣嘅南瓜湯，蕃茄一啲都唔會酸，熱南瓜湯濃郁又有鮮甜，一冷一熱層次分明。番茄蟹肉湯濃郁嘅蕃茄湯底，甜甜地又唔會酸，加上啖啖新鮮嘅蟹肉，極之鮮甜。前菜巴馬火腿鮮果 新鮮嘅蜜瓜配搭風乾巴馬火腿，充滿咸香又有蜜瓜嘅鮮甜多汁，作為開胃菜就啱哂。清新素魚鮮果遠睇素魚以為係茄子製成，原來係由麵根煮成，口感同魚肉一模一樣。配搭玫瑰醬汁和紅酒啫喱，加添鮮味。雜錦海鮮盆配香草汁二重奏 依個凍盤有生蠔、鮑魚、帆立貝、青口和翡翠螺。生蠔味道鮮甜，唔會有好重嘅金屬同埋海水味。而我自己都最鍾意鮑魚、肉質爽口又彈牙。主菜芝士焗釀大磨菇漢堡一樣嘅菜式，其實用左大啡菇取代傳統嘅麵包，而素雞就取代漢堡扒，所以依度菜式都適合健身或者生酮飲食嘅人。大啡菇非常多汁，而素雞肉質厚實口感同雞冇乜分別，配搭rosemary嘅醬汁健康又有營養。嫩煎三文魚（另加＄50）三文魚連外皮一齊香煎，煎到魚皮香脆就可以上盤。食落外皮都唔覺油膩，切開魚肉熟度剛好，鮮嫩又不失魚肉嘅鮨香味。火焰雪山店員會即
湯
女人的心
咩係女人嘅心！？就係忽冷忽熱。冰涼嘅蕃茄配搭熱辣辣嘅南瓜湯，蕃茄一啲都唔會酸，熱南瓜湯濃郁又有鮮甜，一冷一熱層次分明。
番茄蟹肉湯
濃郁嘅蕃茄湯底，甜甜地又唔會酸，加上啖啖新鮮嘅蟹肉，極之鮮甜。
前菜
巴馬火腿鮮果
新鮮嘅蜜瓜配搭風乾巴馬火腿，充滿咸香又有蜜瓜嘅鮮甜多汁，作為開胃菜就啱哂。
清新素魚鮮果
遠睇素魚以為係茄子製成，原來係由麵根煮成，口感同魚肉一模一樣。配搭玫瑰醬汁和紅酒啫喱，加添鮮味。
雜錦海鮮盆配香草汁二重奏
依個凍盤有生蠔、鮑魚、帆立貝、青口和翡翠螺。生蠔味道鮮甜，唔會有好重嘅金屬同埋海水味。而我自己都最鍾意鮑魚、肉質爽口又彈牙。
主菜
芝士焗釀大磨菇
漢堡一樣嘅菜式，其實用左大啡菇取代傳統嘅麵包，而素雞就取代漢堡扒，所以依度菜式都適合健身或者生酮飲食嘅人。大啡菇非常多汁，而素雞肉質厚實口感同雞冇乜分別，配搭rosemary嘅醬汁健康又有營養。
嫩煎三文魚（另加＄50）
三文魚連外皮一齊香煎，煎到魚皮香脆就可以上盤。食落外皮都唔覺油膩，切開魚肉熟度剛好，鮮嫩又不失魚肉嘅鮨香味。
火焰雪山
店員會即場倒入了料酒再點火，視覺效果一流。切開入邊係冰凍嘅朱古力雪糕，一冷一熱真係好過癮呀。
张贴
