影片
更多
2023-02-02
35 浏览
燒肉平時食得多，但石燒就唔係度度都有🔥 牛匠石燒店如其名，專食石燒牛🐮 有別於一般網燒燒肉，石燒爐比較細，唔會霸晒成張枱～ 所以食燒肉之餘都可以嗌返幾款非燒肉菜式，好fexible😚🌃 環境 (4/5)牛匠石燒喺尖沙咀金巴利道，由地鐵站B2出口行3-5分鐘就到，而且係地舖，非常方便👍🏻 餐廳好大好多枱，感覺似casual嘅居酒屋風格，仲有卡位比三五知己圍埋一齊坐添☺️😋 食物 (4/5)🐮 牛匠極上盛盒2.0 $468🍚 味素飯，溫泉蛋，味噌湯 跟set+$38🍜 湯烏冬 跟set+$38🥬 蒜片，生菜 跟set+$28 🍹 牛匠彩虹水果茶 $68🧀 芝士奶蓋四季春 $38牛匠極上盛盒2.0啱曬食肉獸🥩 呢個盛盒有成10款肉咁多，有晒豬牛雞，仲要有靚靚牛牛打卡盤，一次過滿足晒你N個願望🥳係時候試吓石燒啦🔥 店員首先會幫你點火，再用一細舊牛脂肪抹一抹石爐表面，石爐上面仲有一層牛油紙防止燒燶，完全唔洗擔心😚 牛肉一放上面就jaja聲，好有儀式感好正👍🏻大部份嘅肉都偏向薄身，唔會好難燒，而且店員時唔時都會幫手睇睇，服務好貼心❤️ 啲肉大致上都唔錯，無筋而且有肉味👍🏻 我個人就最鍾意A4和牛肩肉
🌃 環境 (4/5)
牛匠石燒喺尖沙咀金巴利道，由地鐵站B2出口行3-5分鐘就到，而且係地舖，非常方便👍🏻 餐廳好大好多枱，感覺似casual嘅居酒屋風格，仲有卡位比三五知己圍埋一齊坐添☺️
😋 食物 (4/5)
🐮 牛匠極上盛盒2.0 $468
🍚 味素飯，溫泉蛋，味噌湯 跟set+$38
🍜 湯烏冬 跟set+$38
🥬 蒜片，生菜 跟set+$28
🍹 牛匠彩虹水果茶 $68
🧀 芝士奶蓋四季春 $38
牛匠極上盛盒2.0啱曬食肉獸🥩 呢個盛盒有成10款肉咁多，有晒豬牛雞，仲要有靚靚牛牛打卡盤，一次過滿足晒你N個願望🥳
係時候試吓石燒啦🔥 店員首先會幫你點火，再用一細舊牛脂肪抹一抹石爐表面，石爐上面仲有一層牛油紙防止燒燶，完全唔洗擔心😚 牛肉一放上面就jaja聲，好有儀式感好正👍🏻
大部份嘅肉都偏向薄身，唔會好難燒，而且店員時唔時都會幫手睇睇，服務好貼心❤️ 啲肉大致上都唔錯，無筋而且有肉味👍🏻 我個人就最鍾意A4和牛肩肉，鹿兒島無激素雞頸肉同西班牙豚肉🐽
唔想淨係食肉咁肥膩可以配生菜蒜片，咁就無咁罪惡啦🥬 我仲另外加點咗湯烏冬同味素飯做主食😋 湯烏冬口感彈牙，清湯配海帶食落幾舒服😌
味素飯配溫泉蛋好有驚喜🤩 講溫泉蛋倒入飯裏面撈勻，蛋味香濃，配埋甜甜地嘅味素真係會忍唔住一路食🍚
估唔到燒肉店都有奶蓋茶飲🧀 芝士奶蓋四季春面頭嘅奶蓋好好厚身好creamy，四季春茶味道清香，好夾🍵
牛匠彩虹水果茶好大jar好足料🍹 水果茶裏面有菠蘿🍍 西柚，橙🍊 檸檬🍋 士多啤梨🍓 藍莓🫐同奇亞籽，有得食又有得飲，好爽🤩
💰 價錢 (4/5)
Average price $400/pp
以尖沙咀燒肉餐廳黎講，牛匠石燒收費幾合理💰 而且餐廳選擇多元，可以試吓石燒又可以食吓其他居酒屋菜式，唔洗驚悶😋
张贴
