牛匠石燒 (已結業)

今日黎左呢間石燒，環境唔錯，坐得舒服。我叫左一份牛小排石燒，有8塊，都厚身。另外配生菜同蒜片，蒜片數量都好多。牛小排肥瘦適中，食落有牛味又有油脂、肉汁。佢另外配左2隻醬料，我覺得都好好味。之後再嗌左一份清酒大蜆，好香牛油味，每粒蜆都漲卜卜，好鮮味，又有好多茹同洋蔥。溫泉蛋我覺得要嗌，好滑!! 配飯一定更好食。最後我仲要左杯奶蓋四季春，奶蓋比較杰身同甜d，飲完覺得好圓滿，開心! 店員既服務都非常唔錯，好有禮貌，同埋冇乜油煙，食完個身都冇味。