碼頭故事 (已搬遷) 新店位置

同事是百分百火鍋精，每次返國內都無鍋不歡，碼頭故事在全國已有200多間分站，我地一知道香港🇭🇰都新開了碼頭故事，立即九秒九訂枱。佢地用自產無污染、無添加火鍋底料，非一般的小火鍋店可以做到。識食一定係食鴛鴦湯底，因為個紅鍋底一定會越煲越勁。唔洗驚食到一半太 spicy 食唔到。食材未到前可以先做配料，店員都好有禮貌，會細心講解，俾建議我地點餐，俾左兩樽自家製獨立包裝麻油，真係誠意之作，再加莞茜、蒜，想再香啲可以加蠔油，不過其實個湯底已非常夠味。竹筒墨魚滑三條墨魚滑用竹筒上，分量十足，較幼滑。即使煮耐左都不會好「鞋身」。一米肥牛「一米」唔知係唔係指隻碟長一米呢？呢個一米比起雪花牛肉更香，未煮前有一條糕海霸王蝦餃使用鮮海蝦製成，果然特別鮮味，建議使用另一半較淡的湯底才可以品嚐到完汁完味。雪花牛肉同事係牛魔皇，牛必定叫完再叫。呢碟牛的雪花分怖平均，肉質較 firm，適合鍾意有少少咬感的朋友。時菜拼盤兩個人食唔到太多的菜，一個拼盤已足夠。除了菜，更包括了冬菇、粟米、木耳、蘿蔔等，不錯呢。