碼頭故事 (已搬遷) 新店位置

聞說尖沙咀開咗一間全新嘅重慶成都麻辣火鍋，我同城城一樣咁鍾意打邊爐點會錯過呢。呢度環境真係一流，裝修得好有成都風格，古色古香，打卡一流。叫咗個鴛鴦鍋：牛油麻辣鍋加雜菌湯鍋。麻辣鍋既麻又辣，仲有好香嘅牛油味，正。香油碟係一罐罐嘅，非常有特色。我哋仲叫咗小食茴香小油條，係加咗香料一齊炸嘅麵包條，熱辣辣外脆內軟，好好食。火鍋配料方面，我就推介鮮紅薯粉，非常煙銀，好有咬口。另外🦐滑亦都非常彈口好好食。養生黑豆花好有特色，好重豆味仲有微微的杞子味道，不錯不錯。人均大概二百幾蚊，價格合理。