河內越式料理

营业中

休息中

尖沙咀河內越式料理，係正宗河內人主理，今日黎買外賣返屋企做晚餐。雖然我未去過河內，但我去過峴港，都幾鐘意食越南野。呢度啲野價錢都OK, 叫左一個飯一個撈，兩個小食、兩杯野食都係202蚊。我就好鐘意撈檬，酸酸甜甜，好開胃，又唔會好似炒麵嗰啲咁油膩，徤康啲。雞絲撈檬，入面又多菜，呢度個汁唔錯呀，甜酸度適中。順化牛肉煎蛋飯，牛肉份量唔少，加埋煎得靚靚既蛋，賣相吸引，味道都唔錯。越式炸蝦餅，蝦餅彈牙香口。越式豬頸肉，豬頸肉正好腍，推介。青檸可樂同咸檸七喜，青檸同咸檸同汽水分開上，返到屋企雖然啲冰溶左，但都無問題，一樣夠Fresh 。