影片
更多
2022-05-03
1390 浏览
💎總評分：9.0/10-長假期嘅最後一日小編同寶貝要食個fine lunch做總結，book左呢間喺K11 Musea入面嘅高級日式餐廳🎎！餐廳以武士為靈感，Menu同牆上都見到武士嘅蹤影⚔️，充分代表日本文化。分左鐵板燒、串燒、精緻和食幾個用餐區，今次小編食鐵板燒♨️，可以望住師傅即席炮製食物👀！💰鐵板燒套餐 $1380/PP💰1️⃣ 季節沙律用左蒜蓉蕃茄汁輕輕調味🧄，主角喺上面兩片嘅煙燻雞刺身🐓，小編一直唔敢食雞刺身，絕對係新嚐試。。。唔知點形容，好似有雞味嘅smoked salmon😆！2️⃣ 前菜三點 配合返餐廳嘅主題有個紅色小武士👹，打開入面係拌左酸汁嘅蟹肉水雲菜，非常開胃。瑩光魷魚非常新鮮，仲有一隻小蟹🦀，雖然可以成隻食，不過小編就覺得好拮口🙈。。。3️⃣ 刺身三點分別有油甘魚、牡丹蝦🦐同海膽！新鮮係基本，賣相精緻同埋刺身夠凍，海膽全完無腥味，頂級👍🏻！4️⃣ 鐵板燒終於嚟到主菜，由日本銀鱈魚率先揭開序幕🐟，師傅會先分開魚皮，將佢煎到成為香脆嘅薄片。魚塊厚肉燒得juicy😋，魚嘅鮮味配特調醬汁嘅松露蘑菇味，完美無瑕👏🏻！來自印尼嘅海蝦有手掌般大🦐，肉質爽口彈牙，配荷蘭醬汁味道好match超好味
-
長假期嘅最後一日小編同寶貝要食個fine lunch做總結，book左呢間喺K11 Musea入面嘅高級日式餐廳🎎！餐廳以武士為靈感，Menu同牆上都見到武士嘅蹤影⚔️，充分代表日本文化。分左鐵板燒、串燒、精緻和食幾個用餐區，今次小編食鐵板燒♨️，可以望住師傅即席炮製食物👀！
💰鐵板燒套餐 $1380/PP💰
1️⃣ 季節沙律
用左蒜蓉蕃茄汁輕輕調味🧄，主角喺上面兩片嘅煙燻雞刺身🐓，小編一直唔敢食雞刺身，絕對係新嚐試。。。唔知點形容，好似有雞味嘅smoked salmon😆！
2️⃣ 前菜三點 配合返餐廳嘅主題有個紅色小武士👹，打開入面係拌左酸汁嘅蟹肉水雲菜，非常開胃。瑩光魷魚非常新鮮，仲有一隻小蟹🦀，雖然可以成隻食，不過小編就覺得好拮口🙈。。。
3️⃣ 刺身三點
分別有油甘魚、牡丹蝦🦐同海膽！新鮮係基本，賣相精緻同埋刺身夠凍，海膽全完無腥味，頂級👍🏻！
4️⃣ 鐵板燒終於嚟到主菜，由日本銀鱈魚率先揭開序幕🐟，師傅會先分開魚皮，將佢煎到成為香脆嘅薄片。魚塊厚肉燒得juicy😋，魚嘅鮮味配特調醬汁嘅松露蘑菇味，完美無瑕👏🏻！
來自印尼嘅海蝦有手掌般大🦐，肉質爽口彈牙，配荷蘭醬汁味道好match超好味🤩。
熊本A5和牛薄切係考功夫之作🐮，用肉片包住切碎嘅蘿蔔、香葱等配料，包成卷裝再切成兩份，成個過程傳出香味🤤。牛嘅油花標準等級達到六級以上，絕對有質素，肉味香濃，一啖食埋入面嘅餡料，味道口感無懈可擊💯！
5️⃣ 時令海鮮湯誠意之作，大大隻蜆同野菌喺湯入面🥣，完全無味精，只有海鮮嘅鮮甜！
6️⃣ 炒飯去到尾聲當然有炒飯🍚，加左漬物去炒，灑上炒香嘅沙甸魚苗，飯粒爽身無太油膩，粒粒分明，同香脆嘅魚仔口感完全不同，一啖飯多種層次😙。
7️⃣ 甜品&飲品太飽嘅關係無要到cheesecake，只要左水果盤🍉。另外店員推介craft beer，由本地品牌少爺啤特別為餐廳釀製🍻，$48/200ml細細杯可以試下味，配鐵板燒一流。
鐵板燒最開心就係可以睇住新鮮嘅食材喺師傅專業嘅功架下由生變熟👨🏻🍳，再配合精美嘅伴碟，視覺享受100分🥰。餐廳唔止食物質素高，環境亦好舒服，有睇到海景嘅座位🌊，亦有包廂，滿足不同party嘅需要，仲有位置十分便利，食完仲可以行下商場，成功做左小編近期最愛嘅鐵板燒店💪🏻！
-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐
题外话/补充资料：
🚗 其中一個㨂呢間餐廳嘅原因，就係可以享用商場免費泊車優惠！
(以上食记乃用户个人意见 , 并不代表OpenRice之观点。)
张贴
