十和田總本店

营业中

休息中

星期二無帶飯，約埋老公一齊係尖沙咀食lunch。餐廳使用Qr code落單，午市套餐有好多選擇，最終揀左壽司拼叉燒湯烏冬同鰻魚飯。每枱都有抹茶粉自己沖抹茶飲。午市套餐均配有茶碗蒸同麵豉湯，茶碗蒸口感幾細滑，麵豉湯鹹度適中。壽司拼叉燒湯烏冬壽司有6件 (左至右): 吞拿魚、油甘魚、帶子、赤蝦、三文魚、魷魚，幾抵食。叉燒湯烏冬有2件厚切叉燒，烏冬幾彈牙。鰻魚飯鰻魚唔細條，亦都唔係薄到無肉食個種，照燒汁淋得好多，一定夠撈飯食。