餐廳室內環境十分優雅高級，可以眺望維景夜景，十分迷人。
座位之間闊落，唔會有窄逼的感覺，同伴侶或多人聚會都十分適合。
Bar枱位置擺放左林林總總既酒精，十分吸引，見到都即刻想飲返杯呢！
另外餐廳上一層仲有個室外天台位置，景觀更加係無敵
氣氛亦都十分之好！
不過當日比較炎熱，我地都係選擇左坐室內
餐牌既選擇十分之多，無論主菜，小食，前菜，甜品，Cocktail等等都有眾多選擇
而且每一款都好有特色，例如Cocktail上就有好多款Signature Cocktail，每一款既名字都好有意思呢！
Every Day Feels Like A Monday!
叫依杯調酒單純係返左一星期工好攰，見到個名幾適合我當刻既心情所以點左
結果卻十分喜歡！杯酒就好似一杯藝術品咁，怖置得十分靚。以Ｇｉｎ為重心的甜酒，酒感不算強烈，帶有微酸及甜甜地的味道，十分清爽！
而且仲會有陣陣的柚子清香
Tonight Is Gonna Be A Good Night!
男朋友就叫左依杯以Vodka及Prosecco為基酒既Cocktail，有好香濃既接骨木花味，酒感會比我果杯強烈少少，味道上亦取得平衡！
依度既調酒真係完全令我地喜出望外！特別一讚既更加係Bartender既專業性及敬業，全程面帶笑容地係我地面前『表演』調酒
好似魔術師般將一枝枝既酒Fing來Fing去，睇到我地目不暇給
Thai Style Salmon Tartare
非常精緻的一道前菜，三文魚十分新鮮，特調的泰式醬汁令到整個Tartare都十分清爽及開胃！
配上脆米餅一齊食更加滋味！
Deep Sea Tacos
相信係餐廳好受歡迎的其中一道前菜，因為見到不少食客都有點佢。
果然受歡迎是有原因的，在剝了殼的蝦上鋪上左蟹籽，鮮味已經十分特出，再配合青瓜，生菜，洋蔥及特色泰式醬
整個Ｔａｃｏ都非常惹味！而且份量都唔細，唔會好似食完好似無食過咁
Oven Baked Sambal Stingray
主菜方面，我地首先叫左一碟係香港好少有既魔鬼魚，男朋友更加係第一次食！
擺盤上都好靚，望落仲有少少似扒。魚肉非常嫩滑，同時帶有彈牙既口感，十分特別！
餐廳沒有作出過多既調味，保留返魚肉本身既鮮味，非常聰明
Grilled Gai Yang Chicken
另一道主菜我地就叫左泰式燒雞，份量十分驚人呢，有四大隻既雞腿！
外皮燒得十分吸晴，仲會見到油脂既反光。咬落口肉質嫩滑，充滿肉汁，完全唔會鞋
好有地道既泰式燒雞感覺
仲食到我地好飽呢！ＸＤＤ
最後埋單大約一千蚊左右，飲飽食醉，而且不論食物或調酒既水準都十分之高，係尖沙咀鬧市中心黎講性價比很好！
回頭率係１００％呀！就算淨係想飲野都係一個好選擇呢～
