影片
更多
2025-07-05
970 浏览
「神燈海鮮酒家」是我最喜歡的手工粵菜酒家，佐敦老店及銅鑼灣店一直都有幫襯，時常心念念佢哋嘅手本名菜「即燒伊比利亞叉燒皇」、「黑松露玻璃燒鵝」、「滷水豬生腸」當然仲有馳名「糯米炒膏蟹」，適逢尖沙咀店新張不久，梗係要去朝聖一下，新店位置更大更寬敞，而且人氣滿滿，平日晚市都滿座😋😋▪️港式特濃雞湯翅（八兩翅） $ 888今日開心大發現，呢煲特濃雞湯翅真係不得了，湯頭用鮮雞和魚翅熬製多個小時，超級濃郁味道接近起膠狀態，真係滿滿骨膠原，而且魚翅足足有八両，條條粗大真係大癲，鮮雞吸收晒濃湯嘅味道，味鮮肉滑，真係必食推介▪️滷水豬生腸 $ 158懷舊經典菜式，要做得好味並唔簡單，而家唔係好多地方都有得食，這裏生腸非常入味，充滿滷水香，口感爽脆彈牙，沾上甜醬和芥辣，就是最傳統的美味▪️即燒伊比利亞叉燒皇 $ 258超級高質素嘅叉燒王，肉質非常鬆軟，燒到帶邊位焦香，而且係厚切半肥瘦，蜜汁調味剛好，熱辣辣味道超班▪️黑松露玻璃燒鵝 （1/4隻 ）$ 238大熱招牌菜，選用秘製黑松露醬及特別的黑棕鵝，黑鼆鼆嘅外皮超級酥脆，肉質鮮嫩，黑松露香氣撲鼻，沾上鵝汁或特製酸梅醬，每一次食完都不停回味▪️蒜蓉炒西蘭花苗 $ 12
▪️港式特濃雞湯翅（八兩翅） $ 888
今日開心大發現，呢煲特濃雞湯翅真係不得了，湯頭用鮮雞和魚翅熬製多個小時，超級濃郁味道接近起膠狀態，真係滿滿骨膠原，而且魚翅足足有八両，條條粗大真係大癲，鮮雞吸收晒濃湯嘅味道，味鮮肉滑，真係必食推介
▪️滷水豬生腸 $ 158
懷舊經典菜式，要做得好味並唔簡單，而家唔係好多地方都有得食，這裏生腸非常入味，充滿滷水香，口感爽脆彈牙，沾上甜醬和芥辣，就是最傳統的美味
▪️即燒伊比利亞叉燒皇 $ 258
超級高質素嘅叉燒王，肉質非常鬆軟，燒到帶邊位焦香，而且係厚切半肥瘦，蜜汁調味剛好，熱辣辣味道超班
▪️黑松露玻璃燒鵝 （1/4隻 ）$ 238
大熱招牌菜，選用秘製黑松露醬及特別的黑棕鵝，黑鼆鼆嘅外皮超級酥脆，肉質鮮嫩，黑松露香氣撲鼻，沾上鵝汁或特製酸梅醬，每一次食完都不停回味
▪️蒜蓉炒西蘭花苗 $ 128
每一餐飯都必須要有菜，這個西蘭花菜苗口感幼嫩帶點爽口，配合蒜蓉爆炒夠晒鑊氣
▪️雞湯米粉（碗） $ 58
唔想食飯嘅朋友特別推薦呢碗雞湯米粉，雞湯味道濃郁，配合米粉超級及湯，非常好食
▪️晚市更奉送甜品紅豆沙，煲得起沙狀態紅豆軟綿綿，而且唔太甜超讚
张贴
