牛匠石燒 (已結業)

返工咁辛苦都想慰勞下自己，呢晚同朋友一齊行完街，就響附近揀左呢間燒肉店醫肚，估唔到野食質素唔錯，價錢仲要幾抵，決定下次再黎試😆❀日本A4鹿兒島牛肩肉❀牛肩肉脂肪紋理清晰利落，呈現雪花狀，燒到半熟油香四溢，食落口充滿和牛油脂香氣，唔點醬都好好味😋❀澳洲M9和牛肩胛小排❀M9和牛肩胛小排脂肪含量相當高，油花紋路均勻，牛味香濃，入口柔軟細膩，係燒肉必點部位。❀鹽蔥薄切牛舌❀估唔到份量又幾多，切到夠薄身好快就熟，食落爽脆不嚡口，點少少醬汁都好惹味。❀日式海鮮煎餅❀呢款估唔到又幾好味，入面食到章魚粒粒，面頭有好多木魚絲+醬汁，甜甜地好似食緊章魚燒。另外仲有味素飯+烏冬，食到超飽。❀牛匠彩虹水果茶及芝士奶蓋四季春❀水果茶好足料，有熱情果、橙、菠蘿、蘋果等，覺得好健康咁。奶蓋四季春個芝士奶蓋好滑，又夠鹹香，配埋清清地既四季春岩岩好。