影片
更多
2019-05-23
108 浏览
今晚同男朋友去尖沙咀行街食飯，咁啱見到一直都好想試嘅十和田，就一於黎試下啦。呢度主打日本壽司同刺身，餐廳嘅裝修相當有日本風格，燈光光猛，環境簡潔舒適，令人感覺舒服。餐廳非常時尚，每枱都有一部平板電腦用黎點菜，更加可以睇到自己點左D咩野同埋食左幾多錢，非常方便。我地叫左各式各樣嘅沙律，小食，飯同埋壽司。刺身沙律:刺身沙律真係唔係好多機會食到，呢份沙律份量都算多，刺身都算足料，有三文魚、蟹籽、鯛魚、油甘魚同埋八爪魚，全部都切到細細粒，容易入口，粒粒都相當肥美，加埋新鮮爽脆嘅沙律菜，配上加左少少wasabi嘅沙律汁，味道真係非常夾，食落好開胃。燒明太子雞翼 :去左骨既雞翼脹卜卜，裡面仲塞滿明太子。雞翼煎得香口，外皮香脆金黃，雞肉入口多汁幼嫩，味道微辣，非常惹味。吉列生蠔 :吉列生蠔一向都係我嘅最愛，呢度嘅蠔即叫即炸，一份有四件，蠔身都算大隻，炸粉唔算厚，入口熱辣辣仲好多汁，吉列層好脆好好味。蒸蛋 :究竟中式蒸水蛋同日式茶碗蒸有咩唔同呢？中式蒸水蛋一般用清水混合蛋液，以碟子蒸，食用時倒上醬油調味。日式茶碗蒸好多時都係將鰹魚高湯與蛋液拌勻，放係杯或碗仔內蒸，材料包括海鮮同蔬菜等等，蛋汁混合高湯同
呢度主打日本壽司同刺身，餐廳嘅裝修相當有日本風格，燈光光猛，環境簡潔舒適，令人感覺舒服。
餐廳非常時尚，每枱都有一部平板電腦用黎點菜，更加可以睇到自己點左D咩野同埋食左幾多錢，非常方便。我地叫左各式各樣嘅沙律，小食，飯同埋壽司。
刺身沙律:刺身沙律真係唔係好多機會食到，呢份沙律份量都算多，刺身都算足料，有三文魚、蟹籽、鯛魚、油甘魚同埋八爪魚，全部都切到細細粒，容易入口，粒粒都相當肥美，加埋新鮮爽脆嘅沙律菜，配上加左少少wasabi嘅沙律汁，味道真係非常夾，食落好開胃。
燒明太子雞翼 :去左骨既雞翼脹卜卜，裡面仲塞滿明太子。雞翼煎得香口，外皮香脆金黃，雞肉入口多汁幼嫩，味道微辣，非常惹味。
吉列生蠔 :吉列生蠔一向都係我嘅最愛，呢度嘅蠔即叫即炸，一份有四件，蠔身都算大隻，炸粉唔算厚，入口熱辣辣仲好多汁，吉列層好脆好好味。
蒸蛋 :究竟中式蒸水蛋同日式茶碗蒸有咩唔同呢？中式蒸水蛋一般用清水混合蛋液，以碟子蒸，食用時倒上醬油調味。日式茶碗蒸好多時都係將鰹魚高湯與蛋液拌勻，放係杯或碗仔內蒸，材料包括海鮮同蔬菜等等，蛋汁混合高湯同食材嘅後精華，食起來份外鮮甜，所以都唔需要添加調味。
呢度嘅日式茶碗蒸呈淺黃，入口清甜嫩滑，加入高湯後味道濃郁，配料有彈牙嘅獅子狗, 爽甜嘅香菇同埋鳴門卷，整體配搭好夾，好好味。
三文魚親子丼:三文魚親子丼面頭放滿油脂分佈平均嘅三文魚同三文魚籽，只係賣相已經俾佢100分。三文魚非常新鮮，入口鮮甜肥美，配埋子薑，三文魚籽同Wasabi，口感一流。
海鰻卷+飛魚子壽司 :海鰻卷上嘅鰻魚夠大件，好新鮮，燒汁亦都夠惹味。大大塊淋左燒鰻魚汁嘅鰻魚包上青瓜，蛋，同埋加入左少少醬油嘅飯，唔洗左點豉油已經好夠味。
飛魚子壽司嘅飛魚子比較大粒，食落粒粒分明，紫菜一D都無淋到。
食完主菜就梗係要食甜品架啦，係日式餐廳又點可以唔試下佢地嘅雪榚呢? 我地就叫左兩款試下。
黑芝麻雪糕+ 豆腐雪糕 :每款雪榚味道香濃，如果兩款都想試嘅話，建議先試味道無咁濃嘅豆腐，然後先試黑芝麻，咁樣就唔洗驚味道會被蓋過啦。最值得一讚嘅係呢度嘅雪榚係以椰果襯托，係夏日炎炎呢D日子，真係完美嘅組合呀。
埋單價錢同一般日式放題差唔多，但係呢度嘅食物質素都性價比高啦。
张贴
