影片
更多
2023-03-07
535 浏览
呢晚朋友仔帶我去食好西🥰之前已經黎試過一次，今次再訪好好彩地坐到特色房，房內吊有日本紙燈籠，打卡好靚，野食水準仲咁高質，食到好開心。❀海膽松葉蟹蓋甲羅燒❀蟹蓋上有滿滿既蟹膏同海膽，撈勻再放上梳打餅食，一入口就食到濃郁既蟹膏海膽味，想再encore叫多份食😖❀自家製免治雞肉軟骨❀免治雞肉串幾嫩滑，有少少軟骨令口感更好，點住蛋汁食都幾滋味。❀紐西蘭羊架及白鱔❀羊架燒到岩岩好又香口，肉質鮮嫩又冇羶味，大推；白鱔皮脆甘香，鱔肉彈牙。❀燒獅魚鮫❀油甘魚燒到表面金黃，魚肉帶有魚油甘香，加少少檸檬汁吊味就好夠，仲可以點少少蘿蔔蓉+豉油，味道就會更鹹香。❀荔枝豬肉卷、蔥豬腩肉及厚切牛舌❀甜甜既荔枝中和左豬肉既肥膩感，兩者幾夾；豬腩肉燒完後油脂香氣較重，好邪惡；牛舌夠厚又有咬口，岩哂牛舌控😙❀南非鮑魚❀鮑魚加左少少鹽燒，已經帶出鮮甜味，幾有嚼勁。❀三文魚燒飯團❀飯團面頭有少少煙三文魚，飯團表面燒到脆卜卜咁，唔錯。❀自家製鰻魚飯❀鰻魚大條又肥美、魚油味幾突出，醬汁份量岩岩好，食落甜甜地，我地好快就清哂個飯😂❀水順玄餅❀有朵粉紅色花覺得好靚就點黎影相，食落甜甜地都OK。❀安藝虎土佐錦❀店員推薦既Sake，飲
之前已經黎試過一次，
今次再訪好好彩地坐到特色房，
房內吊有日本紙燈籠，打卡好靚，
野食水準仲咁高質，食到好開心。
❀海膽松葉蟹蓋甲羅燒❀
蟹蓋上有滿滿既蟹膏同海膽，
撈勻再放上梳打餅食，
一入口就食到濃郁既蟹膏海膽味，
想再encore叫多份食😖
❀自家製免治雞肉軟骨❀
免治雞肉串幾嫩滑，
有少少軟骨令口感更好，
點住蛋汁食都幾滋味。
❀紐西蘭羊架及白鱔❀
羊架燒到岩岩好又香口，
肉質鮮嫩又冇羶味，大推；
白鱔皮脆甘香，鱔肉彈牙。
❀燒獅魚鮫❀
油甘魚燒到表面金黃，
魚肉帶有魚油甘香，
加少少檸檬汁吊味就好夠，
仲可以點少少蘿蔔蓉+豉油，
味道就會更鹹香。
❀荔枝豬肉卷、蔥豬腩肉及厚切牛舌❀
甜甜既荔枝中和左豬肉既肥膩感，兩者幾夾；
豬腩肉燒完後油脂香氣較重，好邪惡；
牛舌夠厚又有咬口，岩哂牛舌控😙
❀南非鮑魚❀
鮑魚加左少少鹽燒，
已經帶出鮮甜味，幾有嚼勁。
❀三文魚燒飯團❀
飯團面頭有少少煙三文魚，
飯團表面燒到脆卜卜咁，唔錯。
❀自家製鰻魚飯❀
鰻魚大條又肥美、魚油味幾突出，
醬汁份量岩岩好，食落甜甜地，
我地好快就清哂個飯😂
❀水順玄餅❀
有朵粉紅色花覺得好靚就點黎影相，
食落甜甜地都OK。
❀安藝虎土佐錦❀
店員推薦既Sake，飲落淡雅辛口，
後韻清爽，女仔都岩飲😆
张贴
