影片
更多
2022-05-03
762 浏览
係尖沙咀行完街攰攰地，想食餐好嘅，就揀左呢間日本餐廳，去唔到日本🇯🇵唯有黎呢間充滿日系嘅餐廳試吓啦！黑門令蟹味噌甲羅燒$72: 師傅會放係個爐到慢慢燒，撈勻啲蟹肉鵪鶉蛋同醬料一齊，然後放上去紫菜餅到一齊食，上面再灑少少炸蒜，味道更為香濃！更突顯到蟹肉嘅鮮味！黑門令龍蝦湯煮海鮮$98: 都係要放上個爐到慢慢燒，每樣海鮮吸收晒龍蝦湯嘅精華！有蠔、蝦、芋絲、冬菇，每樣食材都好新鮮，再飲埋個湯真係一流！蟹油蒜燒帆立貝$78: 帆立貝size超大粒，而且都係要燒嘅，帆立貝完全地吸引晒蟹油嘅精華，味道非常香濃！再配上蒜蓉食，帆立貝嘅鮮味更為突出！黑門令大漁魚子醬脆脆包 $176兩塊：超多海鮮鋪係面！有海膽、蝦、拖羅、蟹肉、魚子醬、三文魚子粒食落去層次感非常豐富！每一啖都充滿住海鮮嘅味道！而且一啲都唔覺得腥，呢個真係必食之選！黑門三文魚加州反卷$118: 有6大舊，每舊加州卷都鋪滿左三文魚，個口真係要夠大，自塞得落成舊加州卷呀～油甘魚刺身$88/4切: 油甘魚非常肥美, 食落去好重魚油香, 咬落去成個口腔都充滿油甘魚既鮮味, 而且每一片都係厚切, 食落去真係好滿足呀~吞拿魚刺身$138/4切: 吞拿
黑門令蟹味噌甲羅燒$72: 師傅會放係個爐到慢慢燒，撈勻啲蟹肉鵪鶉蛋同醬料一齊，然後放上去紫菜餅到一齊食，上面再灑少少炸蒜，味道更為香濃！更突顯到蟹肉嘅鮮味！
黑門令龍蝦湯煮海鮮$98: 都係要放上個爐到慢慢燒，每樣海鮮吸收晒龍蝦湯嘅精華！有蠔、蝦、芋絲、冬菇，每樣食材都好新鮮，再飲埋個湯真係一流！
蟹油蒜燒帆立貝$78: 帆立貝size超大粒，而且都係要燒嘅，帆立貝完全地吸引晒蟹油嘅精華，味道非常香濃！再配上蒜蓉食，帆立貝嘅鮮味更為突出！
黑門令大漁魚子醬脆脆包 $176兩塊：超多海鮮鋪係面！有海膽、蝦、拖羅、蟹肉、魚子醬、三文魚子粒食落去層次感非常豐富！每一啖都充滿住海鮮嘅味道！而且一啲都唔覺得腥，呢個真係必食之選！
黑門三文魚加州反卷$118: 有6大舊，每舊加州卷都鋪滿左三文魚，個口真係要夠大，自塞得落成舊加州卷呀～
油甘魚刺身$88/4切: 油甘魚非常肥美, 食落去好重魚油香, 咬落去成個口腔都充滿油甘魚既鮮味, 而且每一片都係厚切, 食落去真係好滿足呀~
吞拿魚刺身$138/4切: 吞拿魚香味甚濃, 之前最怕食吞拿魚會好鞋或者有筋, 但呢間完全無呢個問題, 食落去好滑好新鮮, 完全無任何腥味!
脆燒白穴子串 $98/1本: 燒得非常香脆, 食落去真係好爽口好脆皮! 上面灑左少少鹽, 更加突出穴子既鮮味, 師傅真係好用心燒, 呢碟串燒穴子真係必叫!
海底之心$68: 飲落去好清甜好順口, 而且唔會覺得好甜, 有少少梳打味, 行街行左咁耐, 飲返一杯凍飲, 尤其解渴!
梅酒$58: 飲落少少苦得黎, 亦有少少甜, 真係苦盡甘來! 一啖梅酒, 再配一條穴子串燒, 真係好match!
中意食居酒屋既朋友, 一定要揀呢間呀!! 雖則價錢較高, 但食物質素絕對對得住佢既價錢!
张贴
