我哋嗌咗日式麻醬豆腐沙律、黑豚豬頸肉串燒、鹽燒白鰻、火山同東京爆脆。沙律有滑豆腐、蟹柳、蟹籽同沙律菜，蔬菜食材新鮮，開胃消暑；黑豚豬頸肉燒得好香口，咬落去充滿油脂又爽口，燒汁嘅調味啱啱好；白鰻炭燒完之後，仍然保持到魚油同魚身嘅嫩滑，而且食落冇魚骨；火山係一個充滿視覺享受嘅卷物，職員上菜時會將伴碟兩旁嘅鹽粒點火，而卷物堆就會喺碟嘅中間，營造出一個「火山」嘅畫面，卷物入面有帶子、牛油果、蟹柳同蟹籽，份量充足，口感飽滿；東京爆脆一個係一個餡料相對較少嘅卷物，只有吞拿魚同蟹柳，不過配上醬汁同灑喺表面嘅飛魚子，仍然有爆脆嘅感覺。
📍尖沙咀彌敦道100號The ONE 5樓502號舖
位置就腳：🍊🍊🍊🍊🍊
餐廳環境：🍊🍊🍊🍊
食物味道：🍊🍊🍊🍊
整體CP值：🍊🍊🍊🍊🍊
