太興 (加連威老道)

营业中

休息中

今日同朋友喺尖沙咀見到呢一間新開嘅太興，本身都食過去其他分店，水準都係有保證的，我哋亦都識啲快餐就搞掂，就揀咗呢一間餐廳，餐廳位置都算方便，喺尖沙咀嘅中心！🥢斑腩枝竹豆腐煲加白飯，揀咗呢個本身大家下午時間好鍾意食嘅一個菜，我同朋友本身都想試吓，嚟到嘅時候熱辣辣，睇得出係最後叫即刻整，所以都非常有誠意，份量幾多而且價錢唔算太貴，斑腩起碼有六至七件，炸魚塊唔算太多粉，咬落去嘅味道都幾OK，而且加埋本身嘅醬汁，所以成個味道都非常好食，我同朋友都覺得合格以上，再加埋枝竹同埋豆腐，豆腐都幾滑，加埋個汁簡直冇得輸，簡直係成個煲嘅精髓食得出廚師嘅鑊氣，我同朋友都覺得送飯係一流！🥢叉燒豉油雞雙拼，豉油雞做得非常好食，我同朋友都覺得佢非常入味，而且雞味非常香濃，送飯嚟講又係冇得輸，而且咁啱比到雞髀嘅位置我哋，非常有咬口！叉燒嚟講肥瘦我都覺得適中，餐廳咁啱選用新鮮豬肉，所以咬落去嘅時候絕對唔會有雪味，肉質亦都非常彈牙軟腍，整體口感我哋都覺得不錯，而且份量都唔算太少，呢個價錢我哋都覺得可以接受！🧋冬天時間飲杯柚子蜜簡直就係非常暖身，味道甜甜地，我覺得搭配晚餐食物都唔錯！