放咗工之後約埋另一半去食，佢呢間嘢係天文臺道附近，如果渣車就會方便啲，不過識行都好快到嘅。見到門口有一隻大嘅蟹就已經諗到一陣間食咩嘢
，入到鋪之後見老闆娘即時招呼我哋
，見到現場都有幾圍枱客人都準備開餐
1
，老闆娘介紹完個餐牌之後就建議我地試個尊貴海鮮套餐
，佢話一定夠兩個人食，如果唔夠先至再加嘢。
等咗大約五分鐘，見到老闆娘首先攞咗啲白米同埋一啲配料出嚟放落個鍋底度
，佢話慢慢煮，煮到最尾就會好入味。平時唔多食粥嘅我，見到呢啲粥就諗起一陣間啲海鮮精華落晒去個粥底，等佢吸收晒所有精華就勁鮮味，諗起都已經流口水...... 等多大約五分鐘，第一輪海鮮終於都上枱啦~上枱啦~ 頭盤有六樣嘢
：台灣九孔鮑魚、日本大元貝、韓國釜山珍珠蠔、大西洋刀貝、紐西蘭青口同埋日本野生大赤蝦，淨係睇賣相都已經好新鮮。其後侍應會幫手一路處理食品，每一款海鮮處理完成後就會放到落隻碟到，所以成個過程都可以專心享受食物嘅質素。首先嘅食物就係日本野生大赤蝦
，佢嘅份量同Size都比較大，見佢蒸完之後啲蝦膏喺個窿嗰度流落去啲粥到，諗起都爽，佢呢啲赤蝦好鮮甜又爽口彈牙，好鬼新鮮。其後到日本大元貝
，佢上枱時都大大粒，食落口嗰陣勁飽滿多肉，而且好鮮甜。跟住就到台灣九孔鮑魚
，侍應處理嘅時間剛剛好，佢呢個鮑魚彈牙又爽口，完全唔駛用力就咬得開，真係好新鮮。之後到韓國釜山珍珠蠔
，佢嘅份量又係大大隻好飽滿，蒸嘅時間剛剛好，入口鮮甜而且好有海水味 。跟手到紐西蘭青口
，佢呢個青口好新鮮，味道清甜，好滿意。最後第一輪到大西洋刀貝，賣相吸引勁飽滿
，入口嗰陣好鮮甜爽口，海水係個口到爆出黎。第一輪已經相當滿意，休息咗一陣就到第二輪，主菜終於都出現啦，一見到就已經好驚喜，有三款食品
：太平洋饅頭蟹、澳洲青年龍蝦
、野生膏仔蟹。首先侍應幫手整咗隻龍蝦先
，就咁睇佢個龍蝦都好高質素，佢呢啲係青年龍蝦唔會好大隻
，等左陣間已經急不及待開餐，佢呢個龍蝦肉非常鮮甜爽口，而且佢啲膏都好甘香好好食，如果你哋去食一定要叫隻試下。跟手就到呢一個太平洋饅頭蟹
，饅頭蟹我都係第一次見，佢個Size細細隻，老闆娘話呢啲唔係周圍都有，雖然唔係好多肉，但係會好鮮甜，咁蒸咗陣間之後試下，果然佢啲肉質都好鮮味，細細隻唔多肉，雖然細細隻，但原來已經係成年既蟹。之後到呢一隻野生膏仔蟹
，佢嘅份量唔會好大隻，不過見到佢中間嗰啲蟹膏都已經瀉晒出嚟
，佢嘅蟹肉亦都好鮮甜，肉質好爽口，真係正到不得了。
不知不覺成餐都已經食到七七八八，之後有一個蔬果籃
，個蔬菜籃剛剛好可以清一清口腔，等陣唔會太過膩食粥。傾左陣偈之後個粥都煮得八八九九
，見到老闆娘加咗一啲酸菜同埋一啲蔥白令成煲粥鮮上加鮮
，完全引出海鮮甜味。等咗咁耐終於都試到啦
1
，一食入口佢嗰啲海鮮味真係出晒嚟，再配酸菜一齊食用，味道非常清鮮甜。同事果然無介紹錯，呢間嘅質素果然不得了。今日除咗開始唔駛帶口罩外，而且仲食到咁新鮮嘅海鮮鍋，成件事非常滿足，人生每一日只要有呢的小確幸，就已經好心滿意足。埋單每位都係五百蚊，可以喺舒舒服服嘅環境享受美食
，仲可以同三五知己或一大班親戚朋友食飯，所以認真冇得彈。
