鐵牛台灣牛肉麵 (希爾頓大廈)

营业中

休息中

🍜私房牛肉麵（轉台南刀削麵牛肋條用咗眷村做法，先煎香再紅燒，肉質鬆化到筷子一夾就散。湯頭用牛骨+番茄+豆瓣醬熬足多個小時，飲落甜中帶微辣。重點係轉咗台南刀削麵，闊度足足有1cm，邊位微捲超掛湯，咬落煙韌有麵香，同一般機製麵完全兩個層次！🔥台灣本味麻辣鴨血鍋（配安格斯牛）一上枱就聞到正宗藥膳香！湯底用十幾種漢方調配，鴨血切到骰仔咁大，每舊都吸滿湯汁，咬落會爆漿！安格斯牛片油脂花紋靚，涮3秒就食得。鍋底仲有響鈴鴨血蟹柳同埋生菜！非常多嘢食！🍚台式滷肉飯肥瘦比例平均！手切成粒非機絞，食落有口感。滷汁加入油蔥酥同冰糖，膠質濃到黏嘴唇！非常有台灣夜市滷肉飯嘅色彩同埋風味！我同朋友都非常鍾意！🔥紅豆珍珠奶茶：紅豆自家熬煮，粒粒起沙但保持形狀，黑糖珍珠煙韌度剛好，茶底奶香茶濃平衡得啱啱好。🔥大甲椰椰芋香+珍珠：大甲芋頭打成茸掛杯，椰奶打成冰沙，面頭灑滿烤椰絲，飲到最後都仲有芋頭粒，口感豐富過甜品店！🔥綜合滷味拼盤：集齊豬耳、豬大腸，滷水蛋，滷水帶淡淡當歸香。特別欣賞佢嘅溏心蛋，蛋黃呈琥珀色，醃得超入味。🔥鹽酥小拼盤：即叫即炸！九層塔炸到通透似海苔，雞軟骨灑咗台灣梅子粉，甜不辣用真正魚漿製。最驚喜係芋