Ssal Bori Ssal

营业中

休息中

今晚幫襯咗尖沙咀一間好有屋企feel嘅正宗韓國餐廳。平時如果7:00先嚟到就要等位，所以今日六點就嚟到。坐低之後店員即刻奉上免費嘅三小碟前菜，芽菜爽脆，泡菜唔會好酸，豆乾煙煙韌韌。食韓國菜點少得韓式炸雞（$120）？！炸雞粒大大嚿，咁樣拎去炸先至唔會乾爭爭，仲keep到啲肉汁。加埋甜甜地嘅醬汁，配埋韓式飲品（$15 x2pcs)，韓國feel即刻出晒嚟，就好似去咗韓國咁。另外嗌咗個辣海鮮湯鍋（$398），呢個真係值得推介，非常非常足料。有四大嚿魷魚，兩款唔同嘅青口，海蜆，海蝦，八爪魚仔，翠玉瓜片，紅蘿蔔條，皇帝菜，金菇同埋冬菇。配埋韓式辣湯，夠晒惹味。