Ssal Bori Ssal

尖沙咀韩国街你去过未？未去过都唔紧要，不过可能好大机会行过都冇留意！最近我同朋友想食韩国嘢，就去咗 Ssal Bori Ssal，主打米酒 + 地道韩食，系香港首间以米酒做主打嘅韩国餐厅～🇰🇷🍶🕛 12 点到 12:30 已经坐满！我哋为咗唔使排队，特登 12 点 Sharp 开门时去到，点知坐低冇耐，成间店已经 Full House 😮 一入去已经听到背景播住最新最 Hit 嘅 K-Pop，装修简约得嚟有啲小清新～🍽 开餐前送上 3 款小食 (可以 refill！) 泡菜：唔会过咸几开胃～ 麻油豆芽：麻油味唔太重，清清地几好～ 韩式鱼片：薄身微甜，口感烟韧。🍢 鱼糕塘汤 $298 呢个鱼糕汤入面除咗有好味嘅鱼糕串，仲有大粒又肥美嘅青口、QQ 嘅八爪鱼、翠玉瓜、金菇、韭菜等等 🍲🔥 汤底清甜唔油腻，份量多，3-4 个人 Share 都得！🍗 酱油蒜蓉炸鸡 $120 望落卖相还可以，不过唔系即叫即炸，所以脆口程度不似预期。酱油同蒜香味偏淡，鸡肉比较实，胜在无骨方便食… 但如果钟意食热辣辣又爆汁嘅炸鸡，呢款可能未必啱你！🍶 Mak So Sa 米酒 Cocktail $110 Mak So Sa 系用米酒 + 烧酒 + 雪碧 Mix 出嚟嘅特饮，甜甜地带微酒香，最抢眼系一整个金色壶上枱，够晒韩式风味 😆 Ssal Bori Ssal 地方唔大，但又未至于细到食完想快啲走人。慢慢食饮住米酒，听住 K-pop，坐坐下接近两点已经冇咁多人。…查看更多

之前同男朋友系尖沙咀「韩国街」见到依间餐厅劲多人排队.今次想食韩国嘢, 就即刻谂起佢.餐厅劲有韩国小店feel, 好似去咗韩国咁.食物选择都几多.今次我试咗几个我喺韩国都会叫嘅嘢食.前菜先上枱嘅有三款前菜.- 泡菜酸酸辣辣咁几开胃.- 凉拌芽菜好香麻油味.- 凉拌鱼板淡淡鱼鲜味同埋甜甜地咁, 我几钟意食.海鲜薄饼 （HK$149)劲大份啊!满满鱿鱼同韭菜.绝对唔系得啲粉.唔好以为个酱红卜卜好辣, 其实系完全唔辣㗎.佢系鱼露嘅味道.点一点, 个海鲜薄饼变得劲鲜味.韩式猪手&五花肉 (HK$318)依个真系必试!可以一次过试晒韩式猪手同五花肉.除咗肉仲会配埋沙律同埋菜.啲肉夹菜食可以解腻.五花肉肥瘦均匀.猪手胶质满满, 啲肉劲嫩.有两个酱汁可以点.我钟意依个有蚬肉嘅酱, 味道劲鲜!紫菜饭团 (HK$70)紫菜多到夸张.饭捞咗麻油同饭素.食落仲暖暖地, 好好味.攞上手整波波好玩又满足!整体嚟讲, 呢间餐厅嘅韩国料理都几正宗, 好高质.而且份量都几多, 两个人食到劲饱.食完呢餐饭, 我有少少挂住韩国添.…查看更多

🪇上次同富妹去完韩国🇰🇷，仲停留好多系韩国的回忆，今日就一于延续韩国的味道。📌尖沙咀金巴利道成条街都系韩国菜，要食韩国野黎呢条街一定大把选择。熊妹听好多猪朋狗友都食过《Ssal Bori Ssal》，可以话系近年颇受年轻一代欢迎，咁突围而出，今日就带富妹试下可唔可以攞返韩国的地道感觉？📌店铺唔算好大，有一卡卡卡位同中间长枱。📌幽暗嘅灯光几有feel，墙上贴满招牌菜色，仲有大电视，都系韩国菜馆经典的格局。前菜小食一坐低，点完餐，店员就会自动送上三碟经典小食，不少得的韩式泡菜、豆芽菜同豆角。未有野食住都可以医医肚开下胃。海鲜薄饼，$149海鲜薄饼系韩式经典小食，内饀有好多韮菜同墨鱼粒🦑，加上厚厚的蛋浆煎成薄饼，落油煎煎到边皮脆脆的，再点上酱汁，好实在的口感。韩式炸鸡，$120炸鸡一兜都有7、8大嚿，最经典梗系选甜辣的酱汁啦，厚粉嘅炸皮食落都脆口，啖啖鸡肉无骨食好爽，炸鸡真系韩菜的必吃之选。炒年糕，$85辣炒年糕系熊妹最爱的韩国小食，因为睇得韩剧多，想女主上身👰🏻‍♀️。味道唔想好辣㖞，一条条烟韧的韩国年糕沾满韩式辣酱汁，热辣辣咁食，滋味的享受😋。韩式炆牛尾，$198重头菜主场喇，可算系这顿饭的MVP。炖火尾做得几出色，带点甜的酱汁炆到牛尾好熟透，牛尾骨旁的肉系好容易骨肉分离，可想而知有几软淋，仲可以索埋中间带酱汁的牛骨髓，件事真系美味至极。仲要份量都唔少，有5-6件，呢个价钱，咁高质素，咁够味道，算系抵食。📌多款韩食、小食、炒饭、肋骨、猪手、锅物、粉丝、海鲜汤等等，讲得出的韩国菜都有，饮品仲要有好多款Makgeolli选择，系韩国独特的米酒，绝对系送炸鸡之选。📌味道正宗，价钱合理，切合年轻人口味，难怪星期一的晚上都有好多人在门外排队。…查看更多

韩国菜是我喜欢吃既美食之一，加上韩风好Hit，所以今次去咗尖沙咀金巴利道既 - Ssal Bori Ssal 韩国餐厅，品尝一下正宗韩国料理。餐厅设计特色，墙身色彩缤纷，枱櫈以木系家俱为主，感觉温馨，舒适环境享受正宗韩国美食，恍如置身于韩国。睇睇餐牌先，见到有独特韩国菜式供选择，多款不同马格利酒选择，仲有韩式猪手、土豆煎饼、辣鸡脚等，款式好吸引。海鲜薄饼              $149我喜欢依度韩国煎薄餠，除咗主要海鲜材料之外，仲有好多蔬菜在内，所以食起嚟口感较清爽，唔会觉得油腻，海鲜好鲜甜，薄饼香脆可口，沾上韩式酱汁更美味。酱油蒜蓉炸鸡            $120这款系无骨嘅炸鸡，鸡肉味道香浓，质地嫩滑唔干身，肉汁丰富，炸得好香口，外脆内软，外层嘅蒜香加酱油，食落好松化。韩式炒粉丝           $105韩国制造嘅粉丝特别烟韧，爽滑弹牙，条状比港式较为粗身，材料丰富，有香菇、椰菜、洋葱、红萝卜、香葱等，爽口嘅什菜与粉丝很配合，酱汁浓郁，但味道唔会太咸，调味适中，太惹味啦！纯豆腐海鲜汤            $103这个热腾腾嘅海鲜汤，配合白饭一齐食，更滋味。汤锅内有蚬肉、豆腐、蔬菜，翠绿鲜爽，汤底带少少辛辣，很不错。饮品选了几款：Pear Juice、Grape Juice、Fanta Orange 及 Coke Zero。冰冰凉凉，口感清新，都几解渴，很不错。…查看更多

FD推荐咗一间韩国料理，话佢提供啲韩国菜式好特别，咁试试啦。餐厅唔大，得十几张台，装修得几韩式，好似返到韩国咁。晚市好full， 全满仲要好多人排队，唔想等就早少少入去啦。Sprite和Pear Juice，Sprite气泡劲足，冰冻清爽。Pear Juice，清甜润喉，饮落似自家煲嘅冰糖雪梨，有淡淡梨香，饮完喉咙好顺。韩式泡菜，一坐低就会送上3款小菜，辣白菜腌得啱啱好，脆口得嚟又唔会太生，辣度适中。芽菜清淡爽口，同辣白菜系唔同风味。韩式猪手&五花肉，哩碟份量真系超大，猪手同五花肉铺满晒，仲要搭配埋沙律同生菜。猪手切得薄薄哋，皮爽肉嫩，特别系猪皮胶质满满。五花肉薄切，全部都系肥瘦相间。五花肉蘸埋韩式大酱，再用生菜包住一齐食，香浓嘅油脂同酱料完美融合。泡菜猪肉锅，配料超丰富，有猪肉、豆腐、烟韧年糕，同埋大量泡菜。汤底好浓郁嘅泡菜香，酸辣得嚟唔会太刺激，反而带少少甜味。豆腐同年糕煮到入味，每一啖都充满韩式风味。最正系用佢来捞饭，米饭香甜，汤汁浓郁，食到停唔落口。…查看更多