更多
2023-04-22
62 浏览
個人都幾鍾意嚟食牛駅放題,鍾意湯底多選擇就算同朋友一齊都梗有一款啱口味,而且菜品種類非常多,平時比較少見嘅紫蘿蔔、萵筍、冰菜都有,熟食方面,有平時罕有嘅小龍蝦添🦞而且仲有圍裙提供,唔使驚彈到周身都係,可以放任食😁火鍋點少得牛肉,美國肩胛肉,肉質鮮嫩,口感爽滑,非常適合火鍋。海鮮類包括海蝦、魷魚、花膠、蜆類等,都係必點嘅食材,新鮮度高,無雪味,個人特別推介墨魚,色澤白雪雪,好乾淨,帶有鮮味,入口有嚼勁,非常脆嫩。蔬菜類嘅蓮藕都非常爽脆,而且洗得我哋乾淨,打邊爐好入味。食材種類豐富,而且有多個價位可以選擇,性價比高🙌🏻
张贴