更多
2012-11-29
38 浏览
琴晚約左朋友係尖沙咀食飯,本身都想揀d 靜少少,又可以傾到計的餐廳, 尖沙咀都真係好多選擇. 本來想去諾士佛台食, 經過見到呢個Grappa's, 望入去裝修幾靚, 個名似曾相識, 原來望真係金鐘果間同名, 但係尖沙咀分店. 咁好情調就同幾個朋友仔去試, 可能係星期三, 唔駛等位,坐落感覺就同金鐘果間差唔多, 侍應都好有禮貌, 我地3個女仔叫左幾樣野食, 由於都幾大碟share 就岩岩好, 講下食左d 乜先 : 1. 羊奶芝士梨沙律大約$100 幾好味個梨加埋少少羊奶芝士, 唔算"蘇" 有少少驚喜有合桃,2. 海鮮湯, 好大碗, 都幾足料, 不過唔記得影相 3. 主菜我地叫左兩個, 一個係牛扒, 一個係羊鞍, 牛扒價錢唔算貴$2xx, 份量十足, 5成熟真係煎到5成熟, 呢度要讚, 因為好多時都會over cook,另一個驚喜係雖然厚身, 但係唔會鞋, 牛肉味十足. 4. 羊鞍, 黎到覺得好大份, 有4支, 平時出面食半鞍又貴, 俾2支就算, 呢度有4支, 不過我地分時有d 難度, 5成熟切開都有少少粉紅色, 少少'蘇' , 咁羊扒有少少接受到. 重點係第一次食羊扖個伴菜要讚, 初頭唔
講下食左d 乜先 :
1. 羊奶芝士梨沙律大約$100 幾好味個梨加埋少少羊奶芝士, 唔算"蘇" 有少少驚喜有合桃,
2. 海鮮湯, 好大碗, 都幾足料, 不過唔記得影相
3. 主菜我地叫左兩個, 一個係牛扒, 一個係羊鞍, 牛扒價錢唔算貴$2xx, 份量十足, 5成熟真係煎到5成熟, 呢度要讚, 因為好多時都會over cook,另一個驚喜係雖然厚身, 但係唔會鞋, 牛肉味十足.
4. 羊鞍, 黎到覺得好大份, 有4支, 平時出面食半鞍又貴, 俾2支就算, 呢度有4支, 不過我地分時有d 難度, 5成熟切開都有少少粉紅色, 少少'蘇' , 咁羊扒有少少接受到.
重點係第一次食羊扖個伴菜要讚, 初頭唔知咩黎見到舖滿蒜, 蕉蕉地, 原來入面有白汁煮一種菜, 未食過唔知咩, 好似羊蔥, 但係我地問左侍應, 佢講左個英文, 聽完都唔知係乜, 好似係話一種菜的根部, 爽爽地, 唔錯, 可以推介俾鐘意食羊的朋友.
5. 最後係甜品, 平時去開金鐘多數都係食Tiramisu, Grappa's 最出的甜品, 做法比較傳統比出面餐廳食味道較濃, 因為個cheese 好足料, 同埋個杏仁酒味重, 跟返意大利傳統做法, 不過我自己對杏仁味麻麻地, 我地只係order 左一客, 夠4個人分,食埋真係好飽, 連coffee 都飲唔落.
總括食物質素唔錯, 環境舒服, 最少唔會好嘈, 傾到計, 價錢唔算費, 雖然裝修俾人感覺好似好貴, 但係依家去邊食野都貴, 不如揀間用料靚d, 坐得好d 感覺上洗左錢都抵d咁.
報告完畢!
张贴