影片
更多
2022-12-06
43 浏览
古今二係一間日式fusion菜，主打日式創意料理。除左觀塘總店，荃灣、荃灣西、銅鑼灣同尖沙咀都有分店，之前已經到訪過觀塘總店，同行朋人同我都好滿意佢地既菜式，真係食過番尋味，今次就係到訪尖沙咀分店，更近市中心，會更加就腳！富士山 $98呢一款卷物就同佢個名一樣成座山咁呀！底下係鰻魚同牛油果既卷物，面層係由蟹柳堆砌成小座小山丘，淋上醬汁既蟹柳，食極都唔會厭，仲要加上脆片，更有口感！東京爆脆 $98卷物既餡料係吞拿魚同蟹柳，入面既炸物係超級脆！同佢個名一樣「爆脆」！可能其他野既既味道都相當出眾，吞拿魚既味道就稍微被遮蓋。櫻花蝦原條茄子燒 $88呢一道係最令我驚喜既料理，我本身無論係茄子既口感定味道都非常抗拒，但見到店家竟然加左我好鐘意既櫻花蝦，一試果然覺得意外地好味！充滿櫻花蝦油香既茄子燒得相當軟身，加上稍硬既櫻花蝦，口感豐富，茄子上面加左小小辣，非常惹味。椒鹽雞腎 $32鹿兒島黑豚荔枝卷串燒 $32呢兩卷串燒於我而言就較為中規中矩，因為其他料理實在太得我歡心🤣雞腎燒得剛好，不會過硬。荔枝卷串燒會較為特別，黑豚肉包住荔枝，係甜甜咸咸既味道。好多從來無諗過既組合竟然可以mix落日料，好多款卷
古今二係一間日式fusion菜，主打日式創意料理。除左觀塘總店，荃灣、荃灣西、銅鑼灣同尖沙咀都有分店，之前已經到訪過觀塘總店，同行朋人同我都好滿意佢地既菜式，真係食過番尋味，今次就係到訪尖沙咀分店，更近市中心，會更加就腳！
富士山 $98
呢一款卷物就同佢個名一樣成座山咁呀！底下係鰻魚同牛油果既卷物，面層係由蟹柳堆砌成小座小山丘，淋上醬汁既蟹柳，食極都唔會厭，仲要加上脆片，更有口感！
東京爆脆 $98
卷物既餡料係吞拿魚同蟹柳，入面既炸物係超級脆！同佢個名一樣「爆脆」！可能其他野既既味道都相當出眾，吞拿魚既味道就稍微被遮蓋。
櫻花蝦原條茄子燒 $88
呢一道係最令我驚喜既料理，我本身無論係茄子既口感定味道都非常抗拒，但見到店家竟然加左我好鐘意既櫻花蝦，一試果然覺得意外地好味！充滿櫻花蝦油香既茄子燒得相當軟身，加上稍硬既櫻花蝦，口感豐富，茄子上面加左小小辣，非常惹味。
椒鹽雞腎 $32
鹿兒島黑豚荔枝卷串燒 $32
呢兩卷串燒於我而言就較為中規中矩，因為其他料理實在太得我歡心🤣雞腎燒得剛好，不會過硬。荔枝卷串燒會較為特別，黑豚肉包住荔枝，係甜甜咸咸既味道。
好多從來無諗過既組合竟然可以mix落日料，好多款卷物同炸物得都有試過，100%回頭率既日料餐廳，推薦大家去試下佢地既卷物，不過都真係睇到人眼花撩亂，揀都揀唔到🙈
张贴
