ATUM Restaurant (已結業)

呢間係K11 屹立咁多年既餐廳，襯朋友生日想book間好啲既餐廳就揀左呢間。火炙香蔥左口魚 & 魚白湯燉飯 $188 左口魚夠香，入口即溶，D油脂又咇晒出黎，溝埋個魚白湯燉飯，擺盤都幾靚 炭燒大蔥豚五花 & 焦糖檸檬洋薏米 $198 豬肉口感juicy, 加埋檸檬洋薏米又酸酸地，感覺無咁油膩。以前食開普通飯黎做底，今次係食洋薏米，幾特別。松露薯條配蛋黃醬 $68 我呢個薯條怪每次見親薯條都忍唔住叫返碟。佢啲薯條炸到金黃色，而且份量好足夠。咸蛋黃雪糕 & 豆腐雪糕 & 黑糖腐皮 $88 新鮮既口感，個咸蛋黃雪糕好出&豆腐雪糕淡淡地 感覺清新，可以一試