影片
更多
2022-12-22
539 浏览
《鳥炎屋 - 尖沙咀》同 @happy_on_my_plate 出街食飯，每次十不離九都係飲酒😝今次佢就帶咗我去尖沙咀亞士厘道嘅一間好古老嘅酒吧睇live band 同飲嘢😘但係飲酒之前一定要食少少嘢先，捐窿捐罅搵嘢食嘅我就梗係同佢去啲未食過而又風評唔錯嘅餐廳啦，而位於同一條街，我都bookmark咗幾間餐廳想試，今次就同佢去食居酒屋啦☺️餐廳要上樓上，位置都好易搵，而當日我哋兩個預計之後要喺酒吧飲返夠本😂所以今次叫多咗少少嘢食頂一頂個胃💁🏻♀️龍田炸雞 $78頭盤小食揀咗炸雞，見餐廳menu圖片上面嘅簡介好似幾特別同埋幾好食咁，所以叫咗一份兩份食，炸雞有留返d皮一齊炸，所以質地比較脆身，可以點埋餐廳安排嘅酸甜炸豬扒醬一齊食，感覺上冇咁熱氣💁🏻♀️雞肉串 $32朋友幾鍾意食串燒，所以我哋都叫咗兩三款share食，而雞肉串我覺得都係必點嘅item，雞肉食落嫩滑，肉質彈牙，上面嘅燒汁令到雞肉串好惹味，簡簡單單已經幾好食💁🏻♀️豚肉串 $40而豚肉串既油脂分布平均，面層肥肉個位燒到微微焦香，咬落油花都幾重👍🏻唔使點任何嘢都已經好夠味💁🏻♀️芝士煙肉燒蠔 $80我哋本來係想食生蠔架，但係諗諗吓芝
同 @happy_on_my_plate 出街食飯，每次十不離九都係飲酒😝今次佢就帶咗我去尖沙咀亞士厘道嘅一間好古老嘅酒吧睇live band 同飲嘢😘但係飲酒之前一定要食少少嘢先，捐窿捐罅搵嘢食嘅我就梗係同佢去啲未食過而又風評唔錯嘅餐廳啦，而位於同一條街，我都bookmark咗幾間餐廳想試，今次就同佢去食居酒屋啦
☺️餐廳要上樓上，位置都好易搵，而當日我哋兩個預計之後要喺酒吧飲返夠本😂所以今次叫多咗少少嘢食頂一頂個胃
💁🏻♀️龍田炸雞 $78
頭盤小食揀咗炸雞，見餐廳menu圖片上面嘅簡介好似幾特別同埋幾好食咁，所以叫咗一份兩份食，炸雞有留返d皮一齊炸，所以質地比較脆身，可以點埋餐廳安排嘅酸甜炸豬扒醬一齊食，感覺上冇咁熱氣
💁🏻♀️雞肉串 $32
朋友幾鍾意食串燒，所以我哋都叫咗兩三款share食，而雞肉串我覺得都係必點嘅item，雞肉食落嫩滑，肉質彈牙，上面嘅燒汁令到雞肉串好惹味，簡簡單單已經幾好食
💁🏻♀️豚肉串 $40
而豚肉串既油脂分布平均，面層肥肉個位燒到微微焦香，咬落油花都幾重👍🏻唔使點任何嘢都已經好夠味
💁🏻♀️芝士煙肉燒蠔 $80
我哋本來係想食生蠔架，但係諗諗吓芝士燒蠔又好似唔錯喎，最後二揀一揀咗店員推介嘅芝士煙肉燒蠔，蠔肉size算大隻，上面嘅芝士醬味道濃郁，但係唔會完全蓋過咗蠔肉本身嘅鮮味
💁🏻♀️木魚絲苦瓜玉子薄餅 $88
我本身唔太食苦瓜，自從喺沖繩食過一次之後又好似接受到喎🤔呢一個苦瓜薄餅入面嘅苦瓜完全唔苦同埋冇澀味，混合埋蛋漿再煎香，再喺上面加上蛋黃醬同柴魚片，味道出奇地夾咼😂可能之前淨係食過苦瓜炒蛋😝感覺呢一個整法都幾新鮮特別
💁🏻♀️鐵板牛柳粒 $98
❤️我同朋友都話呢個係當晚最好食嘅一道菜，牛柳用鐵板上枱，牛柳粒食落唔韌而且肉質軟嫩，餐廳用咗好多洋蔥同埋黑椒醬汁爆香，係超級重口味之選
💁🏻♀️櫻花蝦炒飯 $118
最後埋尾叫咗個櫻花蝦炒飯，蝦米嘅份量都幾多，每一啖都食到超級足料嘅食材，炒飯係用咗珍珠米去炒，識落有少少煙煙韌韌，用呢個炒飯配上牛柳粒真係絕配👍🏻
總括嚟講，呢一間居酒屋無論係菜式定係價錢都算係行親民既路線，我哋兩個人食咗咁多嘢，買單都係五百零蚊左右，性價比超高，食飽飽落去樓下飲番杯就最啱啦
张贴
