野玩田店 (已搬遷) 新店位置

今日個仔放假，特意帶我哋去到尖沙咀河內道（野玩田店）食多國菜， 餐廳用了木式的設計，地方又十分寬敞這裏不只是食餐的地方，仲可看到餐廳自行種植了一些有機菜，好像去到一個田園風味的餐廳，我哋今晚吃了一頓十分輕鬆、自然、舒服感覺的晚餐。餐廳自家種的有機蔬菜，是用溫室種植，可以睇到原來食緊其中的菜，是由這裏第一手採摘後即時煮食，十分新鮮同健康。餐前麵包，有法式麵包及棒棒條，麵包非常軟熟，仲係熱呼呼，再搽上牛油，非常滋味。特色紫薯濃湯，好重紫薯味，甜甜地，還有些薑味，味道不錯。巴黎汁焗時蔬$72有好多種的新鮮菜，十分清新。雞肉墨西哥餡餅，用了芝士、雞肉、洋蔥做餡，提供三種醬，有牛油果、蕃茄粒，第一次食墨西哥的餡餅，外面脆脆吔，入面軟熟，口感都十分清新鮮，好有層次感。香草燒美國野雞$248 通常係西餐廳食雞，一般都會煮到好鞋，餐廳用了鐵板上枱，仲可以保持熱度，金黃色的野雞，賣相十分吸引，好重香草味，肉質嫩滑，再配合香菜的配料，十分惹味。