彩晶軒 (已結業)

接完女朋友放工，近近地去佢做野間學校隔離間彩晶軒飲茶。女朋友叫佢做御用飯堂，因為佢班同事差唔多個個星期都去一次飲茶。女朋友推介奶皇飽，果然與眾不同，不似一般茶樓的奶皇飽，個皮有點似西式面飽。我鐘意食蝦，叫左蝦腸同蝦餃，兩樣都大大件，蝦肉好爽脆，只係略嫌皮不夠軟滑，可能係擺左一陣先食先咁。台式鹵豆腐就香鹵水味，好哂味，而且好滑。美中不足係想食的魷魚鬚賣哂。總體來說味道中上，價錢都不算貴，難怪女朋友班同事成日去飲茶。