尚苑京滬川菜 (已改名) 查看

喺尖東放工和朋友相聚此酒樓，裝修好新淨環境好靚，咁啱撞到有人開生日會氣氛好熱鬧晚市餐牌選擇唔少，我哋兩個人嗌咗三個餸。首先黑松露蝦仁炒蛋有驚喜，一上枱好香黑松露味，蝦仁好彈牙冇雪藏味，滑蛋炒得啱啱好，屬於大人小朋友都好鍾意嘅菜式。份量都唔少，好啱送飯食乾煸四季豆，口味鹹香唔會辣，份量都幾多，肉碎好足北京填鴨中規中矩整體嚟講酒樓環境幾好，好啱同朋友慢慢飲茶慢慢傾偈。服務態度都幾好，餐後仲有送甜品點心。