影片
更多
2024-08-18
63 浏览
🇮🇳尖東華麗海旁現代印度菜🥘-作為一個熱愛探索各地飲食嘅為食鬼😜 最鍾意就係喺放假時食吓啲平時少食嘅菜式 今次就去咗呢間位於尖沙咀主打現代印度菜嘅餐廳🇮🇳 餐廳好近海旁 環境優雅坐得舒服 好適合慢慢嘆番個brunch😋-🥭KHAKRA, CHUNDO 🥭麥香脆片配甜辣芒果醬餐前小食有兩款脆脆 第一款係由小麥整成嘅脆片 配上醃製好嘅甜辣芒果醬 開胃得嚟好醒神😁-🌽CORN CHIPS & KACHUMBER🌽玉米脆片同新鮮蔬菜沙律第二款係脆脆玉米片 加上酸酸辣辣嘅蔬菜沙律 同樣都係脆口開胃嘅小食😉-🌈EAT A RAINBOW🌈彩虹沙律跟住就係前菜 我哋揀咗好有儀式感嘅彩虹沙律☺️ 沙律材料好豐富 有脆脆米 自家製嘅印度醬料 唔同種類嘅蔬菜同果仁😋 然後即場撈起上菜 加上檸檬汁 酸酸辣辣之餘 散發着濃厚嘅印度風味 爽口得來十分惹味😎-🐑EAST INDIAN LAMB POTATO CHOP🐑東印度薯仔燉羊肉肉類方面 我哋揀咗呢一度慢煮羊肉 食落唔會太羶 而且羊肉好嫩滑 充滿肉汁 好易推開😜 而青豆醬汁 係行温和路線 夠味得來又唔會太搶戲😙-🐣EAST INDIAN CHICKEN KHU
-
作為一個熱愛探索各地飲食嘅為食鬼😜 最鍾意就係喺放假時食吓啲平時少食嘅菜式 今次就去咗呢間位於尖沙咀主打現代印度菜嘅餐廳🇮🇳 餐廳好近海旁 環境優雅坐得舒服 好適合慢慢嘆番個brunch😋
-
🥭KHAKRA, CHUNDO
🥭麥香脆片配甜辣芒果醬
餐前小食有兩款脆脆 第一款係由小麥整成嘅脆片 配上醃製好嘅甜辣芒果醬 開胃得嚟好醒神😁
-
🌽CORN CHIPS & KACHUMBER
🌽玉米脆片同新鮮蔬菜沙律
第二款係脆脆玉米片 加上酸酸辣辣嘅蔬菜沙律 同樣都係脆口開胃嘅小食😉
-
🌈EAT A RAINBOW
🌈彩虹沙律
跟住就係前菜 我哋揀咗好有儀式感嘅彩虹沙律☺️ 沙律材料好豐富 有脆脆米 自家製嘅印度醬料 唔同種類嘅蔬菜同果仁😋 然後即場撈起上菜 加上檸檬汁 酸酸辣辣之餘 散發着濃厚嘅印度風味 爽口得來十分惹味😎
-
🐑EAST INDIAN LAMB POTATO CHOP
🐑東印度薯仔燉羊肉
肉類方面 我哋揀咗呢一度慢煮羊肉 食落唔會太羶 而且羊肉好嫩滑 充滿肉汁 好易推開😜 而青豆醬汁 係行温和路線 夠味得來又唔會太搶戲😙
-
🐣EAST INDIAN CHICKEN KHUDDI, ARROZ FUGATH
🐣東印度慢煮雞肉配傳統囍飯
另一個主食 我地揀咗慢煮雞肉🤓 雞肉上面淋滿咗醬汁 濃郁入味😎 另外亦配搭咗印度式婚慶嘅米飯 食落有少少似香料同高湯加上醃製香腸等 煮成嘅米飯 粒粒分明之餘 好夠味 夠晒特色😝
-
🫐SHRIKHAND, BERRY TWIST
🫐雜莓乳酪
甜品我哋揀咗呢一款賣相好靚嘅雜莓乳酪 佢哋基底由印度菜經常入菜嘅較杰身嘅乳酪整成😗 然後再放滿咗大量嘅雜莓 同埋士多啤梨果醬 加上窩夫脆片同埋開心果碎 味道酸酸甜甜 但係好輕盈 好啱做大餐後嘅甜品😎
-
🍮RABDI
🍮果仁奶酪
最後我地食埋另一個好有特色嘅奶酪 質地好濃稠好滑 加上滿滿果仁味 甜甜地 幾有層次👍🏻
-
📍NINE ONE (尖沙咀)
尖沙咀麼地道66號尖沙咀中心地下G80-G85號舖
张贴
