影片
更多
2018-01-17
101 浏览
同朋友尖東行街，肚餓之際經過河內大娘，門口望過menu價錢好抵食，同埋好多人食，佈置都好唔錯，所以就入去試一試。門面好光猛，好有氣氛，見到已經好吸引。當時8點左右，入面已經人山人海。遲少少黎門口已經有人等位。餐廳佈置好靚，水吧佈置成一個小草棚。周圍嘅燈都用以越南小草帽佈置，好有心思。要開動點餐哪！！！餐廳店員好好人，問佢有乜野飲品推介，店員就提議我地飲芒果冰同紅豆冰。哩杯芒果冰係用新鮮芒果鮮打，未試過飲芒果冰係咁滑，仲有好多果肉，所以飲落口感層次好好。而芒果冰裡面係超多芒果肉，值回票價。我選左紅豆冰，又有一大驚喜。平時飲紅豆冰好多時豆還豆，冰還冰，但哩度嘅紅豆冰就好有沙，撈一撈豆上黎睇，原來餐廳用大紅豆加紅腰豆一齊整哩個紅豆冰，所以好多沙之餘，咬落唔同豆都好有層次，真係好細心啊！跟住叫左個香茅煮大蜆，賣相已經好吸引。叫得煮大蜆，D蜆又真係好大隻喎。蜆肉係無沙，而且肉質仲好鮮甜添。哩個香茅煮大蜆仲有湯添，用蜆肉煮，有少少香茅味，精華所在啊！跟住叫左個咖喱蟹配蒜蓉飽。隻蟹超大隻，而且送上枱已經有好香既咖喱味。仲好細心已經預設有蒜蓉包，而且每件蒜蓉包仲焗得好硊，仲已經有好多蒜蓉，見到已經好想
肚餓之際經過河內大娘，
門口望過menu價錢好抵食，
同埋好多人食，
佈置都好唔錯，
所以就入去試一試。
門面好光猛，好有氣氛，見到已經好吸引。
當時8點左右，
入面已經人山人海。
遲少少黎門口已經有人等位。
餐廳佈置好靚，
水吧佈置成一個小草棚。
周圍嘅燈都用以越南小草帽佈置，
好有心思。
要開動點餐哪！！！
餐廳店員好好人，
問佢有乜野飲品推介，
店員就提議我地飲芒果冰同紅豆冰。
哩杯芒果冰係用新鮮芒果鮮打，
未試過飲芒果冰係咁滑，
仲有好多果肉，
所以飲落口感層次好好。
而芒果冰裡面係超多芒果肉，
值回票價。
我選左紅豆冰，
又有一大驚喜。
平時飲紅豆冰好多時豆還豆，冰還冰，
但哩度嘅紅豆冰就好有沙，
撈一撈豆上黎睇，
原來餐廳用大紅豆加紅腰豆一齊整哩個紅豆冰，
所以好多沙之餘，
咬落唔同豆都好有層次，
真係好細心啊！
跟住叫左個香茅煮大蜆，
賣相已經好吸引。
叫得煮大蜆，
D蜆又真係好大隻喎。
蜆肉係無沙，
而且肉質仲好鮮甜添。
哩個香茅煮大蜆仲有湯添，
用蜆肉煮，
有少少香茅味，
精華所在啊！
跟住叫左個咖喱蟹配蒜蓉飽。
隻蟹超大隻，
而且送上枱已經有好香既咖喱味。
仲好細心已經預設有蒜蓉包，
而且每件蒜蓉包仲焗得好硊，
仲已經有好多蒜蓉，
見到已經好想食。
用個蒜蓉包配埋個咖喱汁食，
香香甜甜既咖喱味，
真係好野味，
食唔停口啊！
隻蟹超大隻，
只係隻蟹鉗已經咁大隻，
職員仲好細心拎埋工具比我地，
而蟹鉗本身已經預先打碎蟹殼，
所以食起黎都唔會好難咬。
馬拉盞通菜都好正，
食落味道好香，
喺我地一路食一路話好正既時候，
店員經過介紹原來馬拉盞醬係餐廳自己整既，
唔怪之得好少越南餐廳會食到咁好味既馬拉盞通菜。
最後上枱既係鮮茄蟹肉湯檬。
賣相已經好吸引，
而且面頭已經有好多蟹肉。
細心睇原來除左蟹肉之外，
佢仲有蝦同埋肉丸喺入面。
朋友話D蝦仲要係海蝦添，
食落唔係一般雪蝦既味道，
所以食落去肉質係彈牙嘅。
而肉丸方面，
仲要係自家製既肉丸，
完全唔係街買既預製肉丸，
好有誠意啊！
個湯酸酸甜甜，好開胃，
雖然已經好飽，
但臨尾食哩個湯檬因為有鮮茄，
所以食完都唔會膩，
仲好舒服添。
全個晚餐超級豐富，
仲要有好多海鮮添。
埋單$590，
無論從食材，食品同味道都係超級新鮮同好味，
正啊，會再幫襯！
张贴
