影片
更多
2025-01-09
77 浏览
-講到去尖沙咀食好野、飲酒，好少人會諗起尖東海旁一帶嘅餐廳。其實尖東海旁嘅餐廳好多都好有情調，而且比較靜，適合同朋友靜靜地嘆住美食傾偈。今次呢間係食東南亞菜，但裝潢極有情調，有西餐廳嘅感覺🥂🦀炒蟹肉鹹蛋 $238金黃色嘅醬汁令人食慾大增，仲有鵪鶉蛋同蔥花作點綴🤩整個鹹蛋醬汁都充滿口感結實而細嫩嘅蟹肉粒，重料之作。鹹蛋醬雖然有香濃嘅鹹蛋香味，但竟然唔會太鹹，唔使送飯都食到，相信係因為廚師係熬製醬汁時加左糖，所以中和到鹹味仲帶少少清甜味😋🐚越式金不換沙白蜆炒椰子肉 $158以蒜粒炒過嘅沙白放入椰子水湯底入面，配搭特別。沙白肉質嫩滑，新鮮無沙。將沙白、椰子肉、椰子水一齊放入口，清甜嘅椰子將沙白嘅鮮味提升，味道更加清甜，同時又有金不換獨特嘅香味，必食😍🌶青咖喱雞炒飯 $148青咖哩頗為惹味，偏辣。飯底較乾身，粒粒分明，混入雞粒、香葉、爽脆嘅茄子。雞串嫩滑，帶濃郁香茅味道。伴碟有青木瓜沙律，非常開胃。🍌越式炸香蕉 $88東南亞傳統下午茶或飯後享用嘅甜品，但餐廳做左變奏版，就係將炸漿混入杏仁薄片，再灑上椰絲，口感變得更香脆、豐富。炸皮包裹住熟稔嘅香蕉，外脆內軟，香蕉雖然經過加熱但都無變酸。蘸上蜜糖
講到去尖沙咀食好野、飲酒，好少人會諗起尖東海旁一帶嘅餐廳。其實尖東海旁嘅餐廳好多都好有情調，而且比較靜，適合同朋友靜靜地嘆住美食傾偈。今次呢間係食東南亞菜，但裝潢極有情調，有西餐廳嘅感覺🥂
🦀炒蟹肉鹹蛋 $238
金黃色嘅醬汁令人食慾大增，仲有鵪鶉蛋同蔥花作點綴🤩整個鹹蛋醬汁都充滿口感結實而細嫩嘅蟹肉粒，重料之作。鹹蛋醬雖然有香濃嘅鹹蛋香味，但竟然唔會太鹹，唔使送飯都食到，相信係因為廚師係熬製醬汁時加左糖，所以中和到鹹味仲帶少少清甜味😋
🐚越式金不換沙白蜆炒椰子肉 $158
以蒜粒炒過嘅沙白放入椰子水湯底入面，配搭特別。沙白肉質嫩滑，新鮮無沙。將沙白、椰子肉、椰子水一齊放入口，清甜嘅椰子將沙白嘅鮮味提升，味道更加清甜，同時又有金不換獨特嘅香味，必食😍
🌶青咖喱雞炒飯 $148
青咖哩頗為惹味，偏辣。飯底較乾身，粒粒分明，混入雞粒、香葉、爽脆嘅茄子。雞串嫩滑，帶濃郁香茅味道。伴碟有青木瓜沙律，非常開胃。
🍌越式炸香蕉 $88
東南亞傳統下午茶或飯後享用嘅甜品，但餐廳做左變奏版，就係將炸漿混入杏仁薄片，再灑上椰絲，口感變得更香脆、豐富。炸皮包裹住熟稔嘅香蕉，外脆內軟，香蕉雖然經過加熱但都無變酸。蘸上蜜糖更滋味，螞蟻人必試😆
🥥Fresh Thai Colada $108
以Light Rum、Coconut Rum作為基酒，酒味唔算濃烈。再以椰子水調製，再入柑橘果汁，入口時略帶微酸味，尾韻椰子味突出，味道清新😌
🍍Rainbow Float $78
以芒果汁、菠蘿汁、橙汁、石榴糖漿、椰奶調配而成，酸酸甜甜嘅熱帶果味相當開胃。由於加入椰奶，味道變得柔和，有啲似水果yogurt嘅味道。
张贴
