日悅極尚日式放題 (已結業)

放題熱潮歷久不衰，一班貧友不論放假定放工都好鐘意試唔同地方嘅放題，今晚呢間真係頂瓜瓜！日悅位於尖東，幾個女人行完嘉連威老道然後過對面馬路食野就岩哂！地方超級大超級闊落，講野大聲啲都唔怕嘈親隔離！呢度除左正常放題有嘅刺身壽司，日本料理外，仲有海鮮，沙律，中式糖水，甚至乳豬都有！直頭有啲似食緊自助餐咁，仲要味道質素高，非常驚喜。刺身好新鮮，赤貝同帶子都好正！野飲有生啤有熱有凍有唔凍，好多款㨂，好貼心。壽司，壽喜燒都好掂。連海胆都有！怕凍嘅我將桂元杞子紅棗茶當水飲，非常暖胃！有多款甜品仲有哈根movenpick任食，食多幾杯就回本地方大到有個大corner 比小朋友做遊樂場，大人可以放心繼續食