泰斗 (中達大廈)

营业中

休息中

一黎就食個生蝦先，又甜又滑，夠新鮮，加埋辣椒同garlic真係好好食呀! 泰式拼盆，有炸單骨雞翼，春卷，蝦餅，同魚餅。當中最好食就係個單骨雞翼啦，香料夠入味，單骨又容易食，真係食唔停呀！不過份量都比較大，最好有３，４個人ＳＨＡＲＥ啦。豬肉同雞肉串燒，雖然冇乜特別，不過Ｄ肉都係滑的，唔會鞋口，加埋個沙爺醬都係好好食的。柚子沙拉，好開胃呀，不過我最鐘意既係佢夠多腰果呀，腰果對身體好好架！炒通菜，又都不過不失啦欖仁炒白菜仔，呢個菜會比較入味Ｄ，加埋Ｄ蒜片，非常香口。個人鐘意呢個白菜仔多過通菜因為佢比較入味同乾身。椰汁糕，食唔出佢係交黎既定係自己整既，正常味ｌｏｒ，唔難食的。芒果糯米飯，食泰國野必食既，芒果算甜，但個糯米飯比較硬身，唔夠軟熟，也是這味送敗北既地方。