金田家 (已結業)

平時比較少聽到既老字號拉麵! 九州福崗既金田家絕對係一間老字號! 唔搵唔知原來佢係世界各地都有分店，人氣都非常高!!聞說佢地既豬骨濃湯係超正，豬骨味濃! 今日專登過黎試!比較有趣，佢有一款豬骨加雞湯既湯底，拉麵好似比較少見雞湯，anyway，我同朋友分別揀左黑豚拉麵同豚骨拉麵。除左拉面款式，蔥都可以選擇加唔加。拉面軟硬度亦有得揀。而其它配料就要加少少錢啦，我同朋友都加左溏心蛋! 另外仲要左木耳同唐揚雞塊。唐揚雞塊非常好食，用既都係雞脾肉，所以雞塊比較大件，外脆內軟，非常juicy!追加既木耳都好大兜….貪佢健康高纖又爽口，骨湯點都有少少膩，用爽口野黎中和下幾好。主角終於上台，另一樣有趣既地方：拉麵用既叉燒有兩種，我豚骨湯用腩肉叉燒，細塊d，亦睇得出油脂多好多。黑豚拉麵將豚肉舖滿碗邊，見到既時候都好震撼! 黑豚叉燒就瘦d但大塊，無咁多油脂。腩肉叉燒入口即融! 相反黑豚肉味較香，比較有咬口。面條都係細面，爽口彈牙，掛湯度一般，但豬骨味真係超濃~溏心蛋都非常好味，最正係佢既流心效果，而且蛋黃顏色幾深，蛋香十足。