影片
更多
2021-11-10
88 浏览
晚市竟然有$1480 25道菜既Omakase，食材獨特、新鮮，仲要位於銅鑼灣中心地段，性價比超高🤩鮨逸晚市總共有2個Omakase套餐可供選擇，分別有姬Hime 16道菜($1280)及逸 Itsu 25道菜（$1480），而我就決定試呢度最出名既逸 Itsu 25道菜套餐😌😌Itsu 25道菜（$1480）-日本牛油炒粟子粟子軟硬適中，配埋牛油香味十足-枝豆枝豆外面加左鹽，十分鹹香-沖繩水雲即係海發菜，質感有啲似粉絲，配合酸汁有飲湯既感覺，加埋蟹肉更鮮甜-鮟鱇魚肝 鮟鱇魚肝又名海中鵝肝 ，屬於冬季食物，每年11月-2月先有，呢個用到傳統做法，以錫紙蒸，再用海帶酸汁打底，鮟鱇魚肝質感厚實，食落好香-真鯛昆布漬本身呢道菜係食白子，但因為我要求左唔食白子，所以轉左做真鯛昆布漬，鯛魚肉質實在，略為乾身，底部酸汁增加其濕潤度，令魚肉食落多汁兼開胃石垣貝（岩手縣）第一次試石坦貝，上桌時司傅會用力拍打一下石垣貝，質感爽口，味道鮮甜-油甘魚一碟三片油甘魚，質感實在，沒有油脂配上帶酸味濃稠醬汁，味道清新-磯燒帆立貝燒過既帆立貝肉質依然鮮嫩，配埋紫菜食，口感過癮-葉血引屬於稀有品種，外面好難食到，配上
鮨逸晚市總共有2個Omakase套餐可供選擇，分別有姬Hime 16道菜($1280)及逸 Itsu 25道菜（$1480），而我就決定試呢度最出名既逸 Itsu 25道菜套餐😌😌
Itsu 25道菜（$1480）
-日本牛油炒粟子
粟子軟硬適中，配埋牛油香味十足
-枝豆
枝豆外面加左鹽，十分鹹香
-沖繩水雲
即係海發菜，質感有啲似粉絲，配合酸汁有飲湯既感覺，加埋蟹肉更鮮甜
-鮟鱇魚肝
鮟鱇魚肝又名海中鵝肝 ，屬於冬季食物，每年11月-2月先有，呢個用到傳統做法，以錫紙蒸，再用海帶酸汁打底，鮟鱇魚肝質感厚實，食落好香
-真鯛昆布漬
本身呢道菜係食白子，但因為我要求左唔食白子，所以轉左做真鯛昆布漬，鯛魚肉質實在，略為乾身，底部酸汁增加其濕潤度，令魚肉食落多汁兼開胃
石垣貝（岩手縣）
第一次試石坦貝，上桌時司傅會用力拍打一下石垣貝，質感爽口，味道鮮甜
-油甘魚
一碟三片油甘魚，質感實在，沒有油脂配上帶酸味濃稠醬汁，味道清新
-磯燒帆立貝
燒過既帆立貝肉質依然鮮嫩，配埋紫菜食，口感過癮
-葉血引
屬於稀有品種，外面好難食到，配上香蔥，毫無腥味
-赤貝
近年少見咁好食既赤貝，由於師傅走血位技術好，所以味道好鮮甜，沒有半點腥味
-沙甸魚壽司
-冇骨，表面既蔥油完美中和魚既腥味，連怕食魚既人都食到
-湯業
即係腐竹，質感軟黏，介乎係豆漿及腐皮之間，配上三文魚子及酸汁，十分開胃
-北海道牡丹蝦
牡丹蝦大隻厚肉，肉質爽口，配合麵豉醬及wasabi，食得滿足
-春魚
本身呢度菜係食象拔蚌，但因為我要求唔食象拔蚌，所以變左食春魚，春魚表面被炙燒過，有種炭烤香味，中間魚肉保持魚生質感及冰凍感，一塊肉可以試齊熟同生兩種質感
-宮城松島蠔
手掌咁大既蠔，質感creamy，沒有腥味，配上醬油味啫喱，口感更佳
-油坊主
屬於鱈魚既一種，油份高，食落質感似拖羅，加上用到炙燒方法，香味十足
-筋子
第一日知筋子同三文魚子係兩樣野黎，筋子會連埋筋膜一齊食，有三文魚子既爆漿感，同時有食筋部既韌度，味道係帶有柚子味的，隨後會有醬油味道散發係口腔中
-醬油漬赤身加紫海膽 （北海道先有）
Creamy得黎味道清甜既紫海膽為赤身帶黎更軟滑既質感外，又不會蓋過赤身既味道
-磯煮鮑魚
慢煮4小時既鮑魚切至薄身，外圍口感軟淋，口間彈牙，配合蟹膏食，味道濃郁
-紅鰤魚
10kg以上叫鰤，10kg以下叫油金魚，鰤魚係野生既，厚切紅鰤魚由於油脂感極重，食落似大拖羅，但味道相對大拖羅清新
-牙帶魚天婦羅
魚肉多汁，軟淋，天婦羅表層薄脆，食落無負擔感
-花竹蝦 沖繩
師傅細心兼手勢好好，連蝦尾殼都剝得好完整，花竹蝦質感非常爽口
-松葉蟹肉 （11月先有）
松葉蟹膏配蟹肉，味道鮮甜帶海水味，加上整成啫喱狀的醬汁配Wasabi
-燒大拖羅配香蔥，紫菜
燒過嘅大拖羅油脂十足，十分香口，配埋香蔥及紫菜有中和油膩嘅感覺，未到恰到好處
馬糞海膽
-超足料，海膽濃厚質感，好夠甜
-玉子布甸
有食焦糖布甸的感覺，但蛋味更濃郁
舞茸菇 烏魚白子湯
-少見白子會加入湯裏面，舞茸菇菇味濃，爽口，清湯順口，好解膩
-士多啤梨雪糕
奶味重，真實士多啤梨味，食到士多啤梨味顆粒，味道清新
飲品：Ginger Ale $56
帶有薑味既汽水，加入檸檬，增加清新感，解渴之餘唔會蓋過食物既味道
好少見咁有心做Omakase既餐廳了，貝殼類海鮮既血位真係去得好乾淨先可以咁鮮甜，一啲腥味都冇，而沙甸魚呢種出名魚骨多既魚都可以去得咁乾淨👍🏻，師傅亦難得超細心咁幫我地連蝦尾殼都去除左，但卻可以成舊肉完整保留，咁先可以食落啖啖肉🥰基本上醬油及wasabi都唔需要額外為我地準備，食物既味道都已經好足夠呢，25道菜食到人捧腹離座，食得好滿足，好推介大家去試👍🏻👍🏻👍🏻
张贴
