日悅極尚日式放題 (已結業)

同屋企人做節，去咗呢間日式放題店。預先book咗枱，唔使等，即刻入座。個場十分闊落，座位舒適，同其他放題店一樣，有少量嘅自助區，飲品區。其中一樣特別嘅係，呢度酒精飲品唔使另外加錢，除咗一罐罐嘅啤酒，仲有tab beer,可以比你自己玩下試吓斟啤酒，通常個店員見你針到成杯泡就會過嚟幫你手。熟食選擇都唔算少，上菜速度都算快，份量都唔會特別減你。每台會另外送左一條魚嘅刺身但我真係唔識欣賞食食下一個店員攞住個鈴鈴行出嚟叫我地去排隊拎呢個片皮鴨每人可以拎兩塊，用嘅係正宗面皮包住片皮鴨，都真係幾好食。甜品方邊出面自助區有少量選擇但有movenpick 同Häagen-Dazs嘅雪糕，已經值回票價。另外值得一提嘅係，角落頭有個兒童專區，可以放啲小朋友入去放電。