影片
更多
2006-11-11
40 浏览
係我心目中，呢度(特別係價錢)同西宛、海都係屬同一級數。昨日爸爸約埋一齊食飯，佢開頭話去富記，我即刻擰晒頭，諗諗吓有頗耐未去過呢間曾號稱世界十大食府之一嘅地方，決定再試試...女友亦湊埋熱鬧，仲好，可以試更多嘢...service係一流嘅，侍應永遠係適當時候先出現，當我哋叫完餸，又會suggest我哋可能叫得太多煎炸嘢，需唔需要試吓另外嘅煮法，非常貼心..可惜，D嘢食嘅水準就...最出色嘅就係個前菜--- 冰燒三層肉，肥瘦相間得宜，切得四四方方，一口一啖紅酒，皮燒得脆卜卜，相當高水準...杏汁豬肺湯係媽咪點名要食嘅，要預訂。豬肺洗得夠亁淨，煲得夠腍夠軟熟，差唔多係入口即溶；湯非常"杏"，不過稍嫌唔夠膠口，但總體上比校友會出品嘅好...個蝦籽柚皮就好失望，柚皮食到尾時候既苦又澀，又過鹹，蝦籽份量又太少，>.<干邑煎大蝦用豉油皇煎煮再加上少少干邑調味，幾亁身，但覺得唔特別，食落口並冇一鳴驚人嘅感覺..砵酒焗生蠔就食得多，砵酒炸生蠔就好少食，自己就唔太欣賞，始終覺得生蠔最好係生食同用砵酒焗。呢度用嘅係石蠔，唔夠juicy，炸粉亦過厚，失分...家鄉煎藕餅用兩塊蓮藕片夾住豬肉蓉
service係一流嘅，侍應永遠係適當時候先出現，當我哋叫完餸，又會suggest我哋可能叫得太多煎炸嘢，需唔需要試吓另外嘅煮法，非常貼心..
可惜，D嘢食嘅水準就...
最出色嘅就係個前菜--- 冰燒三層肉，肥瘦相間得宜，切得四四方方，一口一啖紅酒，皮燒得脆卜卜，相當高水準...
杏汁豬肺湯係媽咪點名要食嘅，要預訂。豬肺洗得夠亁淨，煲得夠腍夠軟熟，差唔多係入口即溶；湯非常"杏"，不過稍嫌唔夠膠口，但總體上比校友會出品嘅好...
個蝦籽柚皮就好失望，柚皮食到尾時候既苦又澀，又過鹹，蝦籽份量又太少，>.<
干邑煎大蝦用豉油皇煎煮再加上少少干邑調味，幾亁身，但覺得唔特別，食落口並冇一鳴驚人嘅感覺..
砵酒焗生蠔就食得多，砵酒炸生蠔就好少食，自己就唔太欣賞，始終覺得生蠔最好係生食同用砵酒焗。呢度用嘅係石蠔，唔夠juicy，炸粉亦過厚，失分...
家鄉煎藕餅用兩塊蓮藕片夾住豬肉蓉、葱粒及臘味粒同煎炸，係傳統功夫菜，唔係處處食得到。呢度做得唔錯，幾香口，亦不過鹹，可惜就太油(特別係面頭嗰層炸粉)...
叫多個兩人份嘅 鹹魚雞粒臘味飯。完全冇鹹魚味，雞肉就幾滑，臘肉及潤腸屬靚貨，臘肉肥六瘦四，有足夠油香，潤腸夠甘香，臘腸就太瘦；最唔掂就係個豉油，完全好似食緊普通老抽咁，冇經調味。呢煲嘢同登龍街新翠華根本冇得揮..
甜品係楊枝甘露。佢哋自稱係原創者，但真係唔覺有乜特別；反而另一招牌嘢 擂沙湯丸就唔錯--- 花生碎夠多，芝麻餡夠"流沙"，甜而不膩，如果皮再煙靱D就完美la...
水準總體係唔算差嘅，但就因為呢度叫"利苑"，俾得咁嘅價錢，梗係要有expectation la..
张贴
