陳儀興牛什粉麵 (已結業)

朋友約我到麗閣邨嘅『貨櫃』商場影相，用『貨櫃』搭建嘅商場真係幾得意吖，呢度又有D得意嘅文字，例如『你嚟ART LIKE定呃LIKE』。影完相，食嘢囉，見呢度food court都幾大幾靚，仲有我喜歡的牛腩麵，咁就決定了喺度食lunch喇。

『牛腩牛筋麵』、『牛腩牛雜粗麵』係我和朋友的選擇，牛腩好鬆化好入味，牛筋够腍有彈性，偷食咗朋友的牛雜，同樣好好味。

加10蚊就有菜/魚皮加，咁又一人一份，腐乳通菜和魚皮，通菜青綠够新鮮，呢個餸真係好味抵食，魚皮好搞笑一大袋，脆脆哋，唔錯，食唔晒仲可以擰返屋企食。