陳儀興牛什粉麵 (已結業)

下午茶時間3點幾，去到麗閣邨商場打卡逛街，睇吓食街有乜好食。舊地重遊，回憶前陳往事，感嘆面目全非。商場外的老人院變成泰國菜、日本老麥同牛肉飯。整體商場翻新裡外甚有工業風，以前食街呢個位係無乜人行既濕貨街市。望咗一陣，有啲食肆已經關燈唔做下午，都仲有十零間有開門營業。晌陳儀興牛什粉麵叫咗碗豬手粗＄33，另加一盒維他紙包檸檬茶＄3。收銀姐姐問我係咪拎走，我話晌度食，佢都係用外賣餐具比我，只不過加多個托盤唔用膠袋包比你。個麵搭咗兩條青菜，粗麵普通彈牙無鹼水味，3件豬手都好冧，唔使點用牙咬；但係有件豬手特別皮薄，骨肉近乎解體啱哂老人家食。個湯底幾好味，我平時好少飲湯底，都飲多咗兩啖。…查看更多

系長沙灣搵野食，大部分好評價餐廳都食過，見到哩間系麗閣村，居然30個食評，所有都比最高評價，梗係睇下乜料啦。food court其實系商場的另一個部分地下，都系室內，行入去亦無人理你有無掃安心出行或度體溫，更吾好話有無人比紙仔老人家瑱安心出行資料啦，好在我買外賣。裡面好大，位與位都好寬敞，下午茶時間非常靜，哩間就有一兩個客。鋪位有一個師父同一個負責收錢的男士，埋去問位收錢大佬，佢已經好悔氣咁話等等。之後到我可以問佢撈麵幾錢，又系好悔氣，最後比錢用八達通，佢部機慢無所謂，到我摟開張卡，佢好大聲咁話都未過到。另外，我一早話系外賣，佢最後遞餐就放系個盤度，掛住同師父傾計，無客都搞錯。算啦！如果食到好野，受氣都無所謂，所以仲叫左個最貴的坑腩/崩沙腩撈麵，要$49一碟。一食就超級中招，真系吾明白點解之前100%食評都比最高分，連普通的中間分都無人比過咁奇怪。兩個人一起食，大家都同樣感覺- 牛腩又過淋，又”鞋”，又黐牙，又無乜牛味，又無乜滷水味，至識咁形容。-蠔油吾夠撈成蝶麵。-個麵同湯就勉強合格。…查看更多

經常會到長沙灣食飯, 不過基本上都係去元州商場嗰邊既食店, 因為可以順便到759或者市政街市補貨 - 有我地愛吃的餃子🥟和素食。今晚決定搵D新意到麗閣邨附近晚飯(結論係呢邊真係無咩野可以行逛, 食完飯直接返🏠屋企)。上網搵下新裝修的麗閣商場(其實都改建左有兩年)有咩好食, 最想食全是好評的陳儀興牛什粉麵 , 望真D食評, 最近嗰個食評都已經係上年既事, 唔通已經結業左無updated? 所以我地都事先搵左同樣位於麗閣商場既pepper lunch 做後備。當晚6點前到達既我地, 見到營業中既陳儀興就即刻搵位坐。我地嗌左崩沙腩幼麵, 崩沙腩河粉同🥤可樂。望到呢兩碗麵既第一個反應係, 唉, 食左咁多年中式湯麵, :(討厭食蔥既我點解都仲係會忘記嗌走蔥。第二個反應係, 兩碗一樣既麵, 一碗感覺明顯豐盛D, 料多D, 仲有炸蒜舖面, 而另一碗望落去相對比較寒酸, 好似比人食左兩啖咁。我地都揀左唔係好多地方有賣既崩沙腩, 崩沙腩在牛嘅橫膈膜位置, 腩中帶筋, 膠質豐富, 比其他牛腩位置肥, 牛脂香味濃, 肉質爽口彈牙, 最重要係陳儀興的崩沙腩完全無騷味雪藏味。陳儀興的崩沙腩麵值得推介, 不過份量有點少, 細食的我都唔夠飽, 幫襯左附近的壽司安買左一客章魚燒, 同樣好好味, 今晚對麗閣商場foodcourt的食店印象大好。…查看更多

陳儀興牛什粉麵@麗閣小食街翻新過的麗閣商場，光猛闊落，都幾舒適。陳儀興牛什粉麵就係其中一個小食檔，有粉麵飯，有牛腩牛什魚蛋等等。下午茶最抵食，最平$25就有。夜晚6點後冇堂食的關係，一於外賣自取加餸吧！淨崩沙腩（$108）牛腩屬於比較濃味的類別，肉質軟淋，牛腩汁撈飯好好味。招牌汕頭牛丸撈麵（$40）牛丸彈牙有肉汁，而且份量好大，一個人食絕對夠飽！外賣都要食好d！陳儀興牛什粉麵可以加入我的口袋名單了！…查看更多

行開長沙灣麗閣商場，發現呢個商場變左好多，裝潢過後好新淨行得又舒服，仲有好多新餐廳，平民得來好多好野食，food court 形式但位置都坐得好舒適。今次就試下呢度呢間陳儀興牛雜粉面店，我同朋友點了這裡出名的崩沙腩麵，我選擇了幼麵，另外又點了牛三寶幼麵，不要看小兩碗普通麵，真係好食到不得了。崩沙腩超入味，而且腩肉肥嫩，腩汁濃郁真係正到爆，送麵真係超開胃。牛三寶係有牛肚牛筋牛腩，牛肚滑牛筋爽牛腩嫩，都係果句，好味到爆。最緊要係平民食式平民價，長沙灣街坊有福了，真係可以多點來吃喔。…查看更多

天氣凍，最鐘意吃熱辣辣粉麵，今日到了長沙灣新裝修的麗閣商場food court，食陳儀興粉麵店。Food court乾淨企理，只需在counter點單付款，見到掛滿牛什等美食。粉麵套餐及飯餐抵而且選擇多。我們點了雙拼崩沙腩拼墨魚丸河、牛腩牛筋米粉、炸魚皮及菜芯。崩沙腩非常淋，有入口即溶的感覺，墨魚丸彈牙好味，湯底香濃，河粉淋滑。牛腩牛筋米粉牛筋腩非常入味，牛筋軟硬度剛剛好，整體好味道。菜芯淋甜，炸魚皮大大包！…查看更多

朋友約我到麗閣邨嘅『貨櫃』商場影相，用『貨櫃』搭建嘅商場真係幾得意吖，呢度又有D得意嘅文字，例如『你嚟ART LIKE定呃LIKE』。影完相，食嘢囉，見呢度food court都幾大幾靚，仲有我喜歡的牛腩麵，咁就決定了喺度食lunch喇。『牛腩牛筋麵』、『牛腩牛雜粗麵』係我和朋友的選擇，牛腩好鬆化好入味，牛筋够腍有彈性，偷食咗朋友的牛雜，同樣好好味。加10蚊就有菜/魚皮加，咁又一人一份，腐乳通菜和魚皮，通菜青綠够新鮮，呢個餸真係好味抵食，魚皮好搞笑一大袋，脆脆哋，唔錯，食唔晒仲可以擰返屋企食。…查看更多

其實長沙灣都真係幾多好西！以下呢間粉麵店好多街坊推薦，如果你係鍾意食牛腩，真係不能錯過！首先我係叫咗碗雙拼（牛腩加牛筋），只係$42！超抵食！淨係普通牛腩都已經好出色，肉質夠腍，又唔韌，份量仲好多！而牛筋一樣炆得好腍，仲煮得好入味，超正！之後就打大佬啦！呢個崩沙腩真係必食！肉同脂肪比例好平均，完全係入口即溶，唔知以為自己食緊和牛！我到而家都仲回味緊！最緊要係價錢堅平！$40有交易，去邊到搵呀！真係估唔到屋村商場都有咁高質嘅粉麵店！之後我地仲加咗油菜同炸魚皮，每樣都只係加$10！先講油菜，當日我地揀咗腐乳通菜，菜都幾新鮮，因為通菜一唔新鮮，好易睇得出，顏色會暗啞唔夠翠綠！所以係唔錯！而炸魚皮都唔差，夠脆夠乾身！但就真係有啲嚇親，因為好大袋呀！好似唔使錢咁！我地最後都食唔晒，打包返屋企宵夜！最後要再重覆講多幾次，崩沙腩必食！崩沙腩必食！崩沙腩必食！因為真係好好食👍🏻！…查看更多

中午與同事去長沙灣辦事路過麗閣商場順便買東西～發現裏面居然暗藏一個小食街！我們看到這家陳儀興牛什粉面排隊很多，決定跟風排隊試試看～餐牌的選擇都算很多，本來性價比已經很高的套餐居然還包埋熱飲！我選了一個單拼五香牛肚飯配菜心，這個牛肚真是不得了😋超級大塊而且口感很有嚼勁～同事選擇了雙拼粉面，魚皮餃+招牌牛腩～牛腩煮得很好很香，而且肥瘦均勻✌🏻魚皮餃兩大塊也好滿足，粉面湯底本身亦不會太鹹，吃完好舒服🥰這家店面雖然不大，屬大排檔攤位，但吃飯的人卻絡繹不絕！總之工作之余能吃一頓可口又實惠的特色粉面也是一件開心的事👏🏻👏🏻…查看更多

今日湊姨甥女返佢屋企，順便食埋飯先返屋企，好耐無黎呢頭，原來呢到翻新左，有條小食街！算乾淨，好似food court咁。揀左呢間食牛什既粉麵店。街坊生意，定價親民。牛腩米+菜心牛腩入口軟腍，唔會太韌/鞋口揀左較健康既牛筋 - 順便補下骨膠原😆如果唔叫淨牛筋既話其實都幾抵食，每人五十蚊找。其實成個food court都用即棄既餐具，有D浪費，不過宜家疫情，即棄又真係會比較衛生D既。希望疫情過後會environmental friendly 啲啦♻️。食完7點零開始多客，呢間最多人幫襯，應該無食錯😎！…查看更多

今日放工係麗閣商場個food court食野 呢到設計好特別 有一個個貨櫃咁 入面有好多枱 全部二人座 有好多間野食揀 我同男朋友就坐係到睇下邊間最多人 就揀左陳儀興食 呢到係food court咁所有野都自助 自己搵位 點完餐就去拎 都有清潔姐姐係場内執盤抹枱呢間牛雜都好多選擇 我地每人揀左一款牛腩崩沙腩比較爽口 有一層肥膏牛坑腩就比較多肉啲 兩款都好食湯底好正宗嘅腩汁不得不讚下佢嘅辣椒油同冬菜 撈埋食真係好港式呀炸魚皮都好脆口 腐乳通菜比勁多腐乳不過所有餐具都係即棄 有啲唔環保係附近住嘅街坊或返工嘅人士可以黎呢到試下。另外見佢有火鍋配料買 記得試埋佢個辣油呀！…查看更多

今日清清地想食個牛什麵，見到「陳儀興」諗起四圍都有呢個名字嘅餐廳。一於試吓呢度嘅粉麵。見到呢個小食市集大部分食客枱上都是呢間店嘅粉麵，食完第一啖真係...有驚喜，牛腩牛根係我最愛，好入味😍。麵底揀咗幼麵，麵質好爽口👍🏻湯底都好重要，平日味精湯底我唔會飲，呢碗麵...我一啖湯一啖麵，飲咗一大半。另外加多碟腐乳通菜，通菜好易唔新鮮顏色就變得暗啞，但呢碟菜真係每條都鮮嫩👍🏻配埋杯凍奶茶真係very good, 重點係飲得返小時候在大排檔嘅奶茶味道。真心推薦😍…查看更多

深水埗麗閣商場自從大翻身之後，街市內就有一個food court，食品選擇多，今日想簡簡單單食個麵，就試吓呢間陳儀興。呢度出名牛腩，梗係要試牛腩麵啦！原來下午茶時段咁抵食，$25有麵連飲品，不過可惜我就唔到時間啦。因為置身於food court嘅關係，所以喺佢嘅店面就放着一個調味盤，食客取食物後可先自由加調味，然後再捧去場中間嘅食客區慢慢品嚐。既然出名牛腩，就一於試吓佢嘅崩沙腩，牛腩湯底帶點五香味，崩沙腩夠肥美，河粉夠滑，搭咗幾條生菜，我仲加咗墨魚丸，好味！朋友最鍾意重口味，所以就揀咗肉味較濃嘅牛坑腩，仲加埋佢嘅招牌雲吞，有原隻蝦夠爽口。腐乳通菜好多腐乳醬，通菜都好爽脆。加$10可以有炸魚皮一份，炸魚皮既乾身又夠脆，非常新鮮。凍檸茶大大杯只係加$6，抵飲！估唔到街市food court都可以咁豐富，以後要多啲嚟光顧。…查看更多

原來的麗閣商場已經全面裝修過，比起之前更加現代和衛生 執靚仔過後的FOODCOURT比起之前乾淨仁理得多今次食既呢間陳儀興牛什，出名價錢相宜而且快靚正，好多學生同打工的都會選擇 今次我點的就是最出名的牛什河再加通菜，這樣下來都只是42元，超化算 份量也不算少，而我最愛的就是牛膀，夠哂入味之餘仲好淋滑 通菜最重要的就是上面個個醬！份量不算多，但真的很淋，加上腐乳醬後味道超match！！十元就能吃到超抵！ 凍飲只係需要加3元，質素都唔錯…查看更多

麗閣商場翻新後讓人耳目一新，其中商場其中一個部份連接著小型街市及美食廣場，這次我們來到了陳儀興食午餐位置：在美食廣場中間位置，比較好找環境：美食廣場環境中規中矩，算是整潔服務：店家算有禮貌，餐好時會立即通知，但需自行取餐到美食廣場找座位食物：份量充足，出餐快而味道不錯跟媽媽兩個點了兩份套餐加一碟油菜紫菜四寶丸河粉 $40有魚片、魚蛋、墨魚丸及魚皮餃，丸類的味道好，亦沒有雪藏味份量足，而河粉口感不錯牛三寶粗麵 $48包括牛肚、牛根、牛腩，湯底味濃，而牛腩亦很入味，牛肚及牛根軟滑整體不錯，而粗麵比較爽口，很合本人口味油菜菜心 $10菜心份量想不到的多，因本身麵內已有菜，所以感覺有點多，菜本身是挺新鮮的熱檸水及熱奶茶 $3/杯 跟餐店家裝的很滿，奶茶算有茶香及滑，可以一試:)下次來到附近，很可能會再次光顧這家快靚正的麵店呢…查看更多