潮江春 (已搬遷) 新店位置

懒得煮饭，同老公屋企人出去食，选左潮江春，好似有coupon送一个翅。我地四个人，又唔饿，谂住唔想食咁饱。睇餐牌，叫了一个四小碟，再叫左一个咸肉炒芥兰。本来谂住四小碟系四碟野，再加一碟菜即五碟，份量应该够，原来四小碟真系好小碟，每碟只系得四件，真系岩晒四个人食唔驶争。四小碟第一碟系炒虾球，底有炸藕片伴底。虾球几爽，美心集团用料不用怀疑。但那藕片比虾球更抢镜，藕片甜而不腻，很好味呢。第二碟系炸墨鱼条，炸得香口又弹牙，也是不错的。第三碟系卤水鹅片伴卤火豆腐底，潮江春的卤水鹅片都系第一次食，因为实在系贵，但其实无乜特别，出面出名的可能更好食。卤水豆腐也是standard。第四碟系炸丸，炸乜丸真系食唔出，但肉质唔系咁弹牙，留番黎最后食真系有点后悔。咸肉炒芥兰的芥兰很好味，都系果句，美心集团用料唔会差。咸肉不会过咸，ok啦。鸡丝翅也是正常，四个人食都有一碗既，份量一定唔会多，因为系食够印花送的，美心都要靠呢ｄ黎谷人气，可见生意难捞。翅真系无乜，其实同饮"献"汁无乜分别。食完唔系话好饱，但又唔想再叫，就此埋单了。味道是ok的，但份量真系细左ｄ，如果无coupon真系未必会再黎呢。