影片
招牌菜
5大1细去饮下午茶，平日人唔算多一坐低放左2碟小食系木台面，唔知有冇得话唔要，有冇收到钱呢？佢张单又无写独立价，只系得总数先讲下d茶， 我地叫左香片，d茶色好浓，饮落像铁观音多d落单好快有人帮你，但上菜起码每样都要等15分钟以上，上菜速度确实系慢，虽然上菜的时候有d热食左煎萝卜糕，俾辣酱多过甜酱，重要系埋一碟，完全唔岩我地呢d唔食得辣的人烧卖，第一round叫，第2 round落单之后先来，起码30分钟以上，烧卖d 皮一夹就烂，不太好叫左煎＂样＂3宝，俾左碟好像蒸凤爪果d汁你，一d豉油都无，我地唔太识欣赏，所以无食到个汁叫左鸡札，一来碟野要吹先上木台，平时出其他酒楼食最cheap都俾猪皮你，不过呢间夹旧好似素鸡？定札肉的野你，劲难食，我又唔识欣赏，真系，早知唔要碟野，劲失望牛肉球正常多腐竹唔错重有个甜点水晶包卖相都ok不过款式少，味道不太岩香港人口味，好听可以话特别既最后埋单又等好耐，又唔系full唔明点解会咁
继续阅读
同老公和个女去晚饭, 叫了3个𩠌, 分别系 "梅酱排骨 (幅图片系一字排来)" ; 另一个系 "奇妙杏片虾仁" 及 "鲜蕃茄胜瓜鱼蛋". 碟排骨来到见到眼都突晒, 分量少得可怜, 收我八十多元唔好赚咁尽吖, 我唔系叫牛㖞, 肥膏又多, 又唔系一字排. 碟虾收 $128 都叫大只就算啦. 碟鱼蛋嘅蕃茄有酒味好难顶啰, 分量都系少少又收 $98. 去了好多次, 都知分量唔及美心嘅多, 但都未试过少成咁, 决定以后唔去了.
继续阅读
食过一次美心系嘅「潮庭」，老婆对美心系嘅潮州菜馆几有好感，所以，就趁返完教会拉多个姊妹嚟绿杨坊嘅潮江春食晏，多个人，可以点多两、三样嘢，试多几款点心。美心食肆晌绿杨坊都有几高占有率，有东海堂、美心MX、美心皇宫同潮江春，后两者尤其晌星期日茶市，等位等到癫，今次嚟潮江春，都要等咗30分钟咁滞呀！室内环境，保持美心中菜系一贯典雅装潢，不过未嚟过食晚饭，午市所见，座位有啲逼，好似我对住𠮶两枱，唔喺座位背贴背咁简单，直头啲位「咔啦」伸到隔离枱。点心纸一大一细两张睇晒，大𠮶张喺基本点心纸，清楚列明各级点心售价，小点$19.8、中点$24.8、大点$28.8、特点$32.8共4级，已包括晒蒸点、煎炸、肠粉、潮州点心、灼菜、推介、甜品、早市粥饭近70款。而细𠮶张除炒粉饭面、精致小食推介外，仲有啲应节嘅节令食物。茶钱收$8位，前菜就收$15一碟，前菜跟之前晌潮庭食嘅差唔多，有花生、毛豆、咸酸菜、粒粒豆腐干，不过𠮶边晚市收$26碟，唔知潮江春晚市又收几多。花生咸脆，咸酸菜酸香，醒醒胃嘅餐前小食。潮州蒸粉果 $28.8先嚟一笼潮州点心，潮州蒸粉果一客4个，个个包得外形饱满，外皮薄透又唔黏牙，内里馅料十足，猪肉、沙葛粒、冬菇、花生、虾米、菜蒲都不缺。蒸潮州笋粿 $28.8再嚟都喺潮州点心，笋粿较少听到，印象中小弟都好似第一次食，跟蒸粉果差唔多，不过外形如饺子，而且内馅无粉果咁丰富，以竹笋粒同猪肉为主，加入少少冬菇粒，但喺味道都几好㖞，较为清啲。蜜汁叉烧包 $24.8人人对最好食嘅叉烧包都有唔同嘅定义或标准，眼前依笼叉烧包，送嚟够热辣，面身松软，叉烧松化，汁酱无过多，咁就绝对满意收货。安虾咸水角 $24.8唔知点解，饮茶叫点心，都总要叫番笼炸嘢，唔喺春卷就咸水角。咸水角做得亦唔错，外皮炸得唔油又软糯，猪肉跟虾米做嘅馅料，虽则唔多，不过咸香够味。题外话，可能荃湾依间潮江春都喺做本地客为主，所以点心纸都毋须中英对照，不过曾见过有两种对咸水角嘅译法，音译为Fried Ham Sui Gok，另一个意译为Fried Meat Dumplings，总觉得意译有意思得多，尤其对游客而言！Ham Sui Gok，仲以为跟火腿有关添呀！鲜杂菌肠粉 $28.8依碟素肠粉喺小弟依餐嘅第二推介，睇样已经觉得佢好得。肠粉标明即点即拉，肠粉皮拉得非常之薄，薄到透呀，而且，口感非常滑溜，加入磨菇、冬菇……等等，清淡得嚟唔会太寡太单一。蚝仔肉碎粥 $36杂菌肠粉喺第二推介，咁第一推介喺乜？就喺个蚝仔肉碎粥，蚝仔粥一向都喺潮州出名嘅粥品，潮州粥特色，米粒唔会煲到爆晒米花，质感亦唔会太绵，个蚝仔肉碎粥就完成达标。再者，首先个汤底够鲜甜，料极多，蚝仔、肉碎、柴鱼干感觉捞极都有，尤其蚝仔，真喺估唔到咁多，而且颇鲜味。所以，点会唔值得推介吖！因为我哋都算喺晌午市尾段帮衬，陆续走咁几枱人，环境又再静啲，好啱我哋几个人慢慢倾、慢慢食，饮茶就胜在「襟」坐。
继续阅读
刚刚本想到潮江春订酒席，刚开口叫那知客姐姐拿酒席的资料，亚姐木无表情瞄了我一眼，发现我身后（是几个身位后）有个熟客正步向入囗，立即施展四川变脸，笑容满脸地嗲声嗲气走出去迎接佢位「张生」，跟著当然睬我都傻啦，连叫句「等等」都费事就直行直过，护送那位先生入内（注意我真系企正佢前面，如果视力正常都无理由看不见）。of course,我完全理解阿张生可能同佢friend过打band,又可能今朝帮佢买左100张月饼卷，厚此薄彼蹼去serve 个熟客先都系人之常情，但都唔驶咁无礼貌卦!真系帮衬唔落啰!
继续阅读
家人送左一张美心换粽卷俾我某日经过绿杨潮江春换埋先回家潮江春瑶柱五香粽两只比拳头大多一点既粽用真空包装一套两只最便宜都要 $97.3过时过节从来都系商人赚钱既日子 .... 唉昨日我的午餐就是吃粽两只粽一从真空袋拿出来已经立即被我扔到滚水里到洽好拿上碟才发现弃用传统稳固的打十字方法绑粽而用一条总长不过25厘米的咸水草在粽上围一圈咸水草都已经悭到这个地步你认为粽叶还能会给多吗?粽子被切开一只咸蛋黄非常亮泽耀眼还有一丝蛋黄油流出来馅料还有比五元大多一点的冬菇瑶柱到真正品尝的一刻面层糯米很酸涩一度怀疑是否已变坏再细味下, 才记起此为五香粽酸涩味好大可能来至花椒和八角
继续阅读