魚肉湯皇美食

营业中

休息中

每次下班時間經過小食店對出，總見到有十個八個人捧住隻碟企響度食腸粉，今晚成十點先路過，終於無人排隊，唔駛同人迫~叫左腸粉四條$8 ，再加燒賣一串$7，腸粉響蒸爐攞出黎，所以重係熱辣辣，呀姐問我係咪咩醬都要，我話“係，要多芝麻！”我個人覺得腸粉本身味道很淡，食係食佢滑嘟嘟既感覺，所以一定要配合混醬（甜醬、辣醬同麻醬）先好食，再加多d芝麻就更香口，不過呢個辣醬好似有少少酸味，但食多兩啖又唔覺。燒賣都係響蒸籠度攞出黎，係魚肉燒賣，size細細粒，由於我食完腸粉先食燒賣，個皮凍左有d硬硬地，我食兩粒就放棄左。