魚肉湯皇美食

营业中

休息中

20-4-2025（Sun）復活節第三日假期，同老公出中環同金鐘行之前，先食少少嘢，佢話嚟食呢間，嚟到喇，我見有煎釀三寶，睇吓幾錢同有咩嘢，答案係$13.00三件，$20.00五件同$28.00八件，我就揀三件，就係紅腸，豆腐同茄子。老公就揀$14.00八粒嘅魚肉燒賣。入好晒紙袋後，我哋要落豉油同甜漿，咁點算？答案係要攞個鋼碟盛住。攪掂食得，魚肉燒賣口感同上次食嘅一樣煙韌（食評係2025年3月4日刊登嘅呢篇：https://www.openrice.com/zh/hongkong/review/%E5%8F%A6%E7%9C%BC%E7%9B%B8%E7%9C%8B-e5937361）。5分煎釀三寶嘅紅腸同茄子都正常冇問題，魚肉就唔算太多；而豆腐係炸嘅，比較嚡啲，同味道好清不過唔油膩。3分

之前諗定前日（2-3-2025 Sun）晏晝，用享慢煮意嘅優惠劵，同老公再去食下午茶，但由於肚餓，我哋就食少少嘢先，老公喺呢喥用$11.00買6粒燒賣，佢自己加豉油同少少辣油食得，呢個熱熱地，係魚肉嚟，口感都彈彈地，都OK嘅。最叻嘅係我老公，佢落辣油落得啱啱好，食到少少辣，啱我。上次食評係2015年1月10日刊登嘅呢篇：https://www.openrice.com/zh/hongkong/review/%E5%A5%BD%E6%B5%81-e2417561題外話：睇返以前食評，今次唔錯。

公司三文治🥪冇人唔識都係由方包🍞夾住簡單嘅材料，例如：雞蛋🥚、火腿、煙肉🥓、芝士🧀、蔬菜🥬及蕃茄🍅等等…今日要返工，唔知食乜好？🧐天口熱🥵，好想要個早餐🥣又配埋嘢飲🧃，所以就喺呢度嗌咗一份公司三文治餐雖然算係輕食，不過都幾飽🙌【食後感】📝✔️三文治感覺都健康，有餐肉和蛋🫶🏻✔️麵包🥖口感鬆軟✔️餡料正常✔️算有營養，夠蛋白質、夠澱粉質✔️略嫌乾咗少少，好彩有支嘢飲💦搭救‼️如果餐肉可以厚少少就更加有咬口簡單營養嘅早餐，對於我哋忙碌嘅上班族嚟講係最好不過了🫶🏻🫶🏻大家也不妨試吓啦🤝

同朋友太肚餓，想食少少野，叫咗魚蛋燒賣同格仔餅。佢先出魚蛋燒賣，但支竹籤跌咗，我又睇唔到下面原來有得拎竹籤就問佢可唔可以俾多之竹籤，佢就問我係唔係盲嘅。。。Ok fine你多生意係我發雞盲我阻住你！佢話格仔餅我排第二抵o唔ok，我話ok，想要俾錢嘅時候佢轉咗去後面，咁我咪繼續揸住現金等佢ok過來收錢囉，然後人開始多我企埋咗一邊。點知佢出完第一抵格仔餅俾前一個顧客後冇繼續整落去，我就提佢未收我錢。然後呀姐就開始發火話我未俾錢點會整我食！Hello？我就係知你唔記得我個order所以提提你，然後我都開始嬲嬲地，話我頭先一直等緊你收錢，佢話我企咁遠佢點收到我錢，仲話我而家係插隊，佢都未出聲話我，話我打橫嚟講嘅我頭先買嘅時候一個人都冇，何來插隊？況且你燒賣魚蛋都未收錢，係你想請我食嘢？燒賣魚蛋質素普普通通啦，但格仔餅超級難食，基本上等於冇落醬。今次真係食到成肚氣，早知捱肚餓行遠返少少，墟嗰邊幾檔都好食好多。

咁啱趕住出門口要搭第一班嘅荃灣綫地鐵，早咗到荃灣站嗰邊諗住搵啲嘢食吓，見到有間小食店開咗門就走過去買咗個三文治，三文治加包紙包嘢飲盛惠$18買咗個三文治加一包冰極檸檬茶。三文治方面略嫌有啲水氣喺入邊，不過整體質素都Okay唔錯。兩邊三文治分別係午餐肉炒蛋三文治，以及火腿炒蛋三文治，午餐肉火腿兩者不過不失，炒蛋質素上乘，味道一流，見到不妨試吓餐廳名稱：魚肉湯皇美食餐廳地址：荃灣富華中心1樓向地鐵站方向鋪位

夜晚收工加上近排開始冬天一落車就好肚餓，落到地鐵站出咗閘就見到有間10:30鐘都開嘅篤魚蛋舖頭，有種雪中送炭嘅感覺，莫名嘅感動同埋溫暖。本身諗住買串魚蛋，但係見舖頭入面個兜熱辣辣嘅碗仔翅好似好吸引，就叫咗一碗仲要即刻食，$21一碗碗仔翅對比$8一串魚蛋好抵啊～碗仔翅超大碗，仲要好足料添！佢仲有山菜魚肉，下次一定會試，或者兩溝。服務員都好有禮貌，同埋啲醬料係自己加，見到買咗腸粉嗰啲人可以勁落自己鍾意嘅醬，唔使怕同店員講多醬會唔好意思。

呢間嘢我偶爾幫襯，唔係佢有咩特別好食，只因間中有引想食生菜魚肉翅。佢嘅生菜魚肉翅不過不失，不過重點要提大家佢哋嘅服務質素！首先，佢哋好少會問你食乜，然後你主動話佢知，佢就會態度好差咁話佢整緊其他嘢！你等下好唔好！於是你企喺度好似罰企咁，睇住佢做呢做lo,但偏係唔理你！有次我叫完個翅又罰企咗幾分鐘都唔開始整，咁我唔等去隔離舖買其他嘢食，喺我等嘢食其間既十分鐘我觀察到：當佢冇客既時候係冇咁多「其他嘢」做，但一有客，就突然有好多其他嘢做～ 我諗佢哋好L鍾意罰客企

經開荃灣就會吃這個生菜魚肉湯，就算夏天熱辣辣都要企係街邊吃。只需$19 份量都好多，整碗是滿的！魚肉夠彈牙，不腥，食到少許果皮味，魚味不太突出，始終是街頭小吃嘛。菜都幾爽口。湯方面值得一讚，無落味精，吃完不會很口渴！我通常會加麻油胡椒和菜寶，就更加好味。

下著毛毛細雨，自然想吃點熱食保暖~ 一出地鐵站看見一間人頭湧湧的小食店，看似很受歡迎~小食的選擇蠻多，有基本的魚蛋，燒賣，腸仔，碗仔翅等~不過還是煎釀三寶吸引我多些~結果這裡的煎釀三寶完全不合格，因為全都冰冷的，沒有一件是熱騰騰的。炸蟹柳粉漿過多，內裡的肉有點霉。紅腸厚度稍微薄了些，而且非常鹹，幾乎吃完想立刻喝水。豆腐也不夠軟嫩，應該因為在炸的時候抽乾所有水份，變得乾巴巴。茄子非常鬆散，只用竹簽輕輕刺一下，便軟趴趴掉下來。魚蛋是眾多煎釀三寶中較好，有彈性，肉質紮實，可是都是偏鹹。

每次下班時間經過小食店對出，總見到有十個八個人捧住隻碟企響度食腸粉，今晚成十點先路過，終於無人排隊，唔駛同人迫~叫左腸粉四條$8 ，再加燒賣一串$7，腸粉響蒸爐攞出黎，所以重係熱辣辣，呀姐問我係咪咩醬都要，我話“係，要多芝麻！”我個人覺得腸粉本身味道很淡，食係食佢滑嘟嘟既感覺，所以一定要配合混醬（甜醬、辣醬同麻醬）先好食，再加多d芝麻就更香口，不過呢個辣醬好似有少少酸味，但食多兩啖又唔覺。燒賣都係響蒸籠度攞出黎，係魚肉燒賣，size細細粒，由於我食完腸粉先食燒賣，個皮凍左有d硬硬地，我食兩粒就放棄左。

話說，本人已經幫襯左好多次！基本上次次都要兩串魚肉燒賣，你地知道嗎！佢未轉手未轉鋪果陣啲魚肉燒賣可以話係我食過最好食！但自從轉左鋪轉左手之後，質素完全唔店囉！先講個老闆同老闆娘，我見住佢咬住口煙準備啲食材，啲員工又唔會主動問人要乜！重點係！啲燒賣變哂！！我幫襯左佢幾次，好似食緊舊吞得落肚嘅軟膠咁，之後諗住遲下再幫襯點知都係果隻款，仲要有幾粒係超級"腥"我都係食得魚嘅人，但果粒野真係腥到一個點，簡直令人作嘔！好啦呢兩日因為本人夜收工，咁地鐵一出得好少鋪頭，同埋又想食熱野，咁咪又走去幫襯，唉…都係咁腥L到.......真心呼籲大家唔好試佢啲魚肉燒賣，變哂啦！！

尋日(10-1-2015 Sat)傍晚,同男友返到荃灣,佢話肚餓要食o野,由於接近食晚飯,就俾佢食啲小食啦,佢就行o黎買o野食,諗住佢食魚蛋燒賣,o黎到人山人海,終於到佢買,但佢竟然要$10.00一底o既雞蛋仔.要雞蛋仔都算,但要等,等o左好耐至有,原來係即叫即整.佢掰啲俾我食,腍o既?唔講味道,因為我唔餓,如果亂咁評佢冇乜蛋香會好唔公平,就只講口感,佢外層完全唔脆,有冇攪錯?好流吓囉. 如果呢篇係食評,評分係:味道: 1 環境: 3 服務: 2 衛生: 3 抵食: 1  喊面

20-7-2013(Sat)男友放工後o黎我屋企食飯,由於爸爸唔係買好多餸,而我想加餸,佢打電話o黎問我有冇o野買?我就話要牛雜,但唔好買太多.男友o黎到,佢就拎住呢袋o野o黎,睇吓佢,係咁樣包住.原來用紙杯裝住啲芥辣.打開睇,牛雜重係熱熱地,睇吓,有金錢肚同牛肺,食得喇,兩樣o野都好腍,不過金錢肚就仍有啲咬口,汁亦夠味,蘸辣辣地o既芥辣又係另一回事.今次覺得OK好食,而價錢係$30.00.

本身唔係住荃灣,不過要到荃灣番工,呢度算係就腳,所以都好經常係度食,不過服務同食物質素都唔好,多次同自己講唔好再幫襯佢,但奈何唔其他選擇,只得繼續光顧首先食物方面,早餐時段佢大部分食物都只是需要返熱就得,但係試過幾次,D粉果裡面仲係白色有粉的,燒買又會無端端少左一忽,好似比人咬左去咁,諗起都核凸腸粉一D太淋,一D又太硬,見過幾次佢將D斷開的腸粉比幾舊客人就算,個D腸粉好多都已經蒸到爛架啦服務方面,其實係無服務可言,個炒粉男成日唔理人,見你等緊,佢都做完自己野先理你,有時等5-10分鐘係閑事!有個肥女人,中意一邊食煙一邊賣野,勁驚D煙灰跌落食物度有個老瘦女人,做野手腳已經慢,仲要一邊同人吹水,一邊賣野,你的要求就要重複講兩三次買18蚊野,係咁叫你比多兩蚊買多兩粒,話比個盒你,你話唔要就比說話你聽,比面色你睇!又成日收錯錢,雖然一蚊兩蚊唔係多,不過咁的服務,我當比小費都嫌比多囉今日買的腸粉,兩枝竹籤霉霉爛爛,結果要自己揾叉食如果對食無要求,又貪方便,又唔怕服務差,價錢唔平的人先好去食,否則會一生後悔!!

前(22-6-2012 Fri)晚男友放工後o黎我屋企,佢o係o度買o左一盒o野o黎當晚餐,睇睇,係點心.有兩個牛肉球,燒賣,辣同唔辣魚蛋.我又黐啲牛肉o黎食,乾同唔鬆軟,只差少少就同牛丸o既口感一樣,唔係好掂喎.其他o既口感都尚可,而咖喱汁香而不辣,都可以o既.問男友買o左幾多錢?佢答$20.00左右.